22 تامىز كۇنى كازتالوۆ اۋدانىندا «مەن وقىعان 30 كىتاپ» ءى وبلىستىق بايقاۋى ءوتتى. ءبىلىمدى شىڭداعان رۋحاني بايقاۋعا تەرەكتى، تاسقالا، قاراتوبە، جانىبەك، بوكەي وردا، شىڭعىرلاۋ، جاڭاقالا، بايتەرەك، اقجايىق، كازتالوۆ اۋداندارى مەن ورال قالاسىنان 15 وقۋشى قاتىستى.
«مەن وقىعان 30 كىتاپ» بايقاۋى كازتالوۆ اۋدانىنىڭ اكىمى اسلانبەك احمەتوللاۇلى سارقۇلوۆتىڭ باستاماسىمەن جۇزەگە اسىپ جاتقان رۋحاني جوبا. 2023 جىلدان باستاۋ العان جوبانىڭ اۋداندىق كەزەڭى جىل سايىن ۇيىمداستىرىلىپ كەلەدى. 2023-2025 جىلدار ارالىعىندا بايقاۋعا 120-عا جۋىق وقۋشى قاتىستى.
«پايدا ويلاما، ار ويلا،
تالاپ قىل ارتىق بىلۋگە.
ارتىق ءبىلىم كىتاپتا،
ەرىنبەي وقىپ كورۋگە»، — دەپ اباي ايتقانداي، ارتىق بىلۋگە تالاپ قىلىپ، كىتاپ وقۋعا قۇمار جاس وقىرماندارعا اۋدانىمىزدىڭ جومارت ازاماتتارى، اۋداندىق ءماسليحات دەپۋتاتتارى قولداۋ كورسەتىپ، جۇلدە قورى 1 000 000 تەڭگەنى قۇرادى. 2023 جىلى بايقاۋ قورىتىندىسىنا سايكەس، قاراوزەن مەكتەپ-ليتسەيىنىڭ وقۋشىسى جانسايا بەكەت جۇلدەلى ءى ورىندى (300 000 تەڭگە) يەلەنسە، ع.بەگاليەۆ اتىنداعى جوببم-ءنىڭ وقۋشىسى بولعان ءىلياس قايساعالي ءىى ورىن (200 000 تەڭگە), كازتالوۆ مەكتەپ-ليتسەيىنىڭ وقۋشىسى ايىم تولياتتي جانە ع.قاراش اتىنداعى مەكتەپ-گيمنازياسىنىڭ وقۋشىسى تولعاناي قىدىرعاليەۆا جۇلدەلى ءىىى ورىندى (100 000 تەڭگە) يەلەنسە، 10 وقۋشىعا 30 مىڭ تەڭگەلىك سەرتيفيكات تابىستالدى. بايقاۋعا اقىن، ۇستاز، قازاقستان جازۋشىلار وداعىنىڭ مۇشەسى، قازاقستان رەسپۋبليكاسى ءبىلىم بەرۋ سالاسىنىڭ ۇزدىگى، «ەرەن ەڭبەگى ءۇشىن» مەدالى مەن ى.التىنسارين مەدالىنىڭ، «پاراسات» وردەنىنىڭ يەگەرى، «كازتالوۆ اۋدانىنىڭ قۇرمەتتى ازاماتى» داريعا عازيزقىزى مۇشتانوۆا، اقىن، ءتىلشى، قر جۋرناليستتەر وداعىنىڭ مۇشەسى قىدىرعالي حارەسۇلى ابدراحمانوۆ، ج. مولداعاليەۆ اتىنداعى وبلىستىق عىلىمي امبەباپ كىتاپحاناسىنىڭ ادىسكەرى قۇرالاي تەمىربولاتقىزى ارىستانوۆا، قر جازۋشىلار وداعىنىڭ مۇشەسى، حالىق شىعارماشىلىق ورتالىعىنداعى اقپارات ءبولىمىنىڭ ادىسكەرى، اقىن، جۋرناليست اسانتەمىر قارشىعاۇلى تورەلىك ەتىپ، وقىرمان وقۋشىلار اراسىنان جۇزدەن جۇيرىك، مىڭنان تۇلپاردى انىقتادى.
شارادا جەرلەس اقىن داريعا مۇشتانوۆا «جۇزدەرى باقىتقا تولى بالالار بايقاۋىنا كۋا بولىپ تۇرمىن. دەمەۋشى بولعان دەپۋتات اعالارىنىڭ جۇزدەرىنەن نۇر توگىلىپ، وقۋشىلار دا ەرەكشە قۋانىشقا بولەنىپ وتىر. مەن سىزدەردىڭ ارقايسىسىڭىزدان جارقىلداعان جانارلارىڭىزعا قاراپ بولاشاق زيالى قاۋىمدى كورىپ تۇرمىن» دەپ تەبىرەنە ءسوز سويلەسە، اسانتەمىر قارشىعاۇلى Facebook الەۋمەتتىك جەلىسىندەگى جازباسىندا «كازتالوۆ اۋدانى "مەن وقىعان 30 كىتاپ" جوباسىن جۇزەگە اسىردى. قاتىسۋشى قىرىقتان استام وقۋشىلار بىرىنەن ءبىرى وتەدى. ادەبيەتكە دەگەن قۇشتارلىقتارى كەرەمەت. بەسىنشى سىنىپتان ون ءبىرىنشى سىنىپقا دەيىن قاتىسقان بالالار ءار شىعارما كەيىپكەرىنە توقتالىپ، ولاردىڭ تاعدىرىنا نەمقۇرايلى قارامايتىندىقتارىن جارىسا جەتكىزدى. بولاشاقتا جازۋشى بولامىن دەگەندەرى دە كەزدەستى. قۋانىپ قايتتىق. ۇيىمداستىرۋشىلار اقشالاي سىيلىقتارىن تابىس ەتتى. وسى شارانى ۇيىمداستىرۋعا قارجىنى اۋدان دەپۋتاتتارى ءوز قالتالارىنان شىعارعان. باسقالارىنا ۇلگى بولارلىق ءىس باستاعان كازتالوۆ اۋدانى ازاماتتارىنا العىستان باسقا ايتارىمىز جوق»،- دەپ پىكىرىمەن بولىسكەن-ءدى.
شىعىس عۇلاماسى الىشەر ناۋاي «كىتاپ اقىلىنا اقى سۇرامايتىن التىن قازىنا»، — دەگەن. كازتالوۆتىق وقۋشىلار كىتاپ وقۋ ارقىلى ءبىلىمىن تولىقتىرىپ قانا قويماي، ومىرلىك ازىق جيناقتادى. ال 2024 جىلى تالاپتى ىزدەنىمپاز وقىرماندار ءۇشىن «مەن وقىعان 30 كىتاپ» ءىى اۋداندىق بايقاۋى وزدىرىلىپ، جۇلدە قورى 2 ملن تەڭگەنى قۇرادى. بۇل جولى بايقاۋدا وقۋشىلاردىڭ جاس ەرەكشەلىكتەرى ەسكەرىلىپ، اۋدان مەكتەپتەرىنىڭ 5-7, 8-11سىنىپ وقۋشىلارى قاتىسىپ، باقتارىن سىنادى.
بايقاۋدىڭ ءادىل وتۋىنە جازۋشى-جۋرناليست، قازاقستان جازۋشىلار وداعىنىڭ جانە قازاقستان جۋرناليستەر وداعىنىڭ مۇشەسى، ۇلتتىق قۇرىلتايدىڭ مۇشەسى، قر اكپارات سالاسىنىڭ ۇزدىگى، قازاقستان جازۋشىلار وداعىنىڭ بقو فيليالىنىڭ ديرەكتورى، «ورال ءوڭىرى» وبلىستىق قوعامدىق-ساياسي گازەتىنىڭ باس رەداكتورى باۋىرجان فايزوللاۇلى گۋبايدۋللين، قازىلار القاسىنىڭ مۇشەلەرى: قازاقستان جۋرناليستەر وداعىنىڭ مۇشەسى، اقىن، «اۋىل ايناسى» گازەتىنىڭ ءتىلشىسى قىدىر حارەسۇلى ابدراحمانوۆ، «قازاقستاننىڭ قۇرمەتتى كىتاپحاناشىس» توسبەلگىسىنىڭ يەگەرى، قاراوبا اۋىلدىق مودەلدى كىتاپحاناسىنىڭ كىتاپحاناشىسى لاۋرا اديەتكىزى بەردىعاليەۆا قازىلىق ەتتى.
بۇل جولى جۇلدەلى ءىىى ورىنعا يە بولعان ازيزا ايبارقىزى، ءسانىم ماناسقىزى، اياۋلىم سەرىكقىزى، ايمان ميرجانقىزىنا 100 مىڭ تەڭگەلىك سەرتيفيكات، سايىستىڭ ءىى ورىن جۇلدەگەرى ايشا مەدەتقىزى، باحتيار باۋىرجانۇلىنا 200 مىڭ تەڭگەلىك سەرتيفيكات جانە ءى ورىن جۇلدەگەلەرى رامينا ارمانقىزى، نۇرايىم نۇرلانقىزىنا 300 مىڭ تەڭگەلىك سەرتيفيكاتتى سالتاناتتى تۇردە تابىس ەتىلدى. ال 20 وقۋشى 30 مىڭ تەڭگە ىنتالاندىرۋ سىيلىعىنا يە بولدى.
– «مەن وقىعان 30 كىتاپ» بايقاۋى بيىل كازتالوۆ اۋدانىندا ەكىنشى رەت ۇيىمداستىرىلدى. بۇل دەمالىس كەزىندە مۇعالىمدەر مەن اتا-انالار تاراپىنان وقۋشىلارعا بەرىلگەن تاپسىرما دەسە دە بولادى. مەنىڭ بايقاعانىم، كازتالوۆتىق وقۋشىلاردىڭ ەرەسەكتەردىڭ ەسكەرتۋىنسىز-اق كىتاپ وقۋعا ىنتا-ىقىلاسى ارتقان. بۇل، ارينە، قۋانارلىق تا، قۇپتارلىق تا قۇبىلىس. وقۋشىلاردىڭ، ۇل-قىزدارىمىزدىڭ ينتەللەكتۋالدىق دارەجە-دەڭگەيىن كوتەرەتىن مۇنداي باستامانى ءبىز بەرىسى وبلىستىق دەڭگەيدە، ءارىسى كەڭ بايتاق قازاقستان بويىنشا ناسيحاتتاۋعا بەك پەيىلدىمىز. ارينە، كىتاپ وقۋ، كوركەم ادەبيەت – ادامزات قوعامى ءۇشىن دە، جەكە ادام ءۇشىن دە ينتەللەكتۋالدىق تۇرعىدان ادامنىڭ وي-ءورىسىن دامىتىپ، دۇنيەتانىمىن كەڭەيتەتىن، تانىم-تۇسىنىگىن تەرەڭدەتەتىن، قوعامدىق ساناعا ىقپالدى ينستيتۋتتاردىڭ ءبىرى. الداعى ۋاقىتتا اۋدان كولەمىندە مۇنداي باستاما ءۇزىلىپ قالماي، جۇيەلى جالعاسىن تاپسا دەگەن تىلەگىمىز بار. سونداي-اق مۇنداي جاسامپاز باستامانى وزگە اۋدان-اۋىلدارعا قوسا، وبلىس ورتالىعىنداعى، رەسپۋبليكاداعى ءبىلىم وشاقتارى دا ءىلىپ اكەتسە، نۇر ۇستىنە نۇر بولار ەدى، – دەدى باۋىرجان فايزوللاۇلى رەسپۋبليكالىق، وڭىرلىك باق وكىلدەرىنە بەرگەن سۇحباتىندا.
كىتاپ — ادامزات اقىل-ويىنىڭ ءىنجۋ-مارجانىن عاسىردان عاسىرعا، ۇرپاقتان ۇرپاققا جەتكىزىپ بەرەتىن رۋحاني بايلىق. جاس ۇرپاققا كىتاپتىڭ قادىرى مەن قاسيەتىن، ونىڭ مول قازىناسىن ۇعىندىرۋ، بالالاردىڭ كىتاپ وقۋعا دەگەن سۇيىسپەنشىلىگىن ارتتىرۋ ۇلت كەلەشەگىنىڭ جارقىن بولۋى ءۇشىن جاسالاتىن يگى قادام.
وسىنداي يگى ماقساتتى كوزدەگەن «مەن وقىعان 30 كىتاپ» جوباسى بيىل دا اۋدان اكىمدىگىنىڭ جانە «AMANAT» پارتياسىنىڭ قولداۋىمەن، اۋداندىق مادەنيەت جانە تىلدەردى دامىتۋ ءبولىمىنىڭ ۇيىمداستىرۋىمەن ءداستۇرلى تۇردە ۇيىمداستىرىلدى بايقاۋ بارىسىندا قاتىسۋشىلاردىڭ دايىندىعىنا ءادىل قازىلار القاسى جوعارى باعا بەردى. قازىلاردىڭ پىكىرىنشە، ءاربىر ۇمىتكەر وزىندىك ىزدەنىسىمەن ەرەكشەلەنىپ، ادەبيەتكە دەگەن شىنايى قىزىعۋشىلىعىن تانىتتى.
جاس وقىرماننىڭ زەيىنىن ارتتىرعان بايقاۋدىڭ سالتاناتتى ماراپاتتاۋ راسىمىنە قاتىسقان اۋدان اكىمىنىڭ ورىنباسارى سەرىك قايىرليەۆ رۋحاني بايقاۋدىڭ ماڭىزىن اتاپ ءوتتى.
— بۇل بايقاۋ – جاستاردىڭ كىتاپقا دەگەن قىزىعۋشىلىعىن ارتتىرىپ قانا قويماي، ولاردىڭ وي-ءورىسىن كەڭەيتىپ، بىلىمگە دەگەن قۇشتارلىعىن تەرەڭدەتە تۇسەتىن يگى باستاما. وقىرمان جاستار – قوعامنىڭ رۋحاني تىرەگى. سەبەبى كىتاپ وقىعان ۇرپاق – ءبىلىمدى، پاراساتتى، سانالى ازامات بولىپ قالىپتاسادى. ەل پرەزيدەنتى اتاپ وتكەندەي، XXI عاسىر – ءبىلىمدى جاستاردىڭ عاسىرى. سوندىقتان ءبىز وسىنداي جوبالاردى قولداپ، وسكەلەڭ ۇرپاقتىڭ جان-جاقتى دامۋىنا جاعداي جاساۋىمىز قاجەت، — دەگەن اۋدان اكىمىنىڭ ورىنباسارى ماڭگىلىك قازىنانى قۇرمەتتەي بىلگەن وقۋشىلارعا ريزاشىلىعىن ءبىلدىردى.
بايقاۋ قورىتىندىسى بويىنشا 5-7 سىنىپ وقۋشىلارى اراسىندا ءى ورىنعا قاراوزەن مەكتەپ-ليتسەيىنەن ايشا راحيموۆا (100 مىڭ تەڭگە), ءىى ورىندى قاراوزەن مەكتەپ-ليتسەيىنەن ءجانيا ماقسوتوۆا (70 مىڭ تەڭگە) يەلەنسە، ءىىى ورىنعا ع.قاراش اتىنداعى مەكتەپ-گيمنازياسىنىڭ وقۋشىسى ازيزا ەرەجەپ (50 مىڭ تەڭگە) يە بولدى. ال 8-11 سىنىپ وقۋشىلارى اراسىندا ءى ورىندى ا.قۇسايىنوۆ اتىنداعى جوببم-نەن گۇلسانا قايرات (100 مىڭ تەڭگە), ءىى ورىندى جاڭاجول جوببم-نەن جانسايا بەكەت (70 مىڭ تەڭگە), ءىىى ورىندى قاراوزەن مەكتەپ-ليتسەيىنەن اياۋلىم تلەپبەرگەن (50 مىڭ تەڭگە) يەلەندى. سونىمەن قاتار بەلسەندىلىك تانىتقان 20 جاس وقىرمانعا قارجىلاي ىنتالاندىرۋ سىيلىعى مەن وقۋ قۇرالدارى تابىستالدى.
مەملەكەت باسشىسى قاسىم-جومارت كەمەلۇلى اتىراۋدا وتكەن ءۇشىنشى ۇلتتىق قۇرىلتايدا: «شىن مانىندە، وزىق ويلى ۇلت بولۋدىڭ ەڭ توتە جولى – كىتاپ وقۋ. سوندىقتان كىتاپ وقۋ مادەنيەتىن قوعامدا بارىنشا ورنىقتىرۋىمىز كەرەك»، - دەپ، جاستاردى كىتاپ وقۋعا ۇندەگەن بولاتىن. بيىل «AMANAT» پارتياسىنىڭ قولداۋىمەن، كازتالوۆ اۋدانى اكىمدىگىنىڭ باستاماسىمەن العاش رەت «مەن وقىعان 30 كىتاپ» بايقاۋىنىڭ وبلىستىق كەزەڭى ۇيىمداستىرىلىپ وتىر. بايقاۋدىڭ ءادىل-قازىلار القاسى دا ەلىمىزدىڭ ءبىرتۋار پەرزەنتتەرى، ماقتانىشتارى، ۇل رۋحانياتىنا سۇبەلى ۇلەس قوسىپ جۇرگەن جاندار. اتاپ ايتار بولساق، اقىن، ۇستاز، قازاقستان جازۋشىلار وداعىنىڭ مۇشەسى، حالىقارالىق «الاش»» سىيلىعىنىڭ لاۋرەاتى، «پاراسات» وردەنىنىڭ، «ەرەن ەڭبەگى ءۇشىن» مەدالىنىڭ يەگەرى، قازاقستان رەسپۋبليكاسى ءبىلىم بەرۋ ءىسىنىڭ قۇرمەتتى قىزمەتكەرى، «قر مادەنيەت سالاسىنىڭ ۇزدىگى»، «ى. التىنسارين» توسبەلگىسىنىڭ يەگەرى داريعا مۇشتانوۆا، قر پرەزيدەنتى جانىنداعى ۇلتتىق قۇرىلتايدىڭ مۇشەسى، قر اقپارات سالاسىنىڭ ۇزدىگى، قازاقستان جازۋشىلار وداعىنىڭ جانە قازاقستان جۋرناليستەر وداعىنىڭ مۇشەسى، قازاقستان جازۋشىلار وداعىنىڭ باتىس قازاقستان وبلىسىنداعى فيليالىنىڭ ديرەكتورى، «ورال ءوڭىرى» گازەتىنىڭ باس رەداكتورى باۋىرجان عۇبايدۋللين، ايتىسكەر اقىن، «ەرەن ەڭبەگى ءۇشىن» مەدالىنىڭ يەگەرى، «التىن دومبىرا» يەگەرى جانسايا مۋسينا، فيلوسوفيا عىلىمدارىنىڭ دوكتورى (PhD), م.وتەمىسوۆ اتىنداعى بقمۋ-دىڭ دوتسەنتى ايداربەك اقبولاتوۆ، استانا قالاسىنان ارنايى كەلگەن «Adyrna media holding» جشس ديرەكتورى، جۋرناليست ارمان اۋباكىر قازىلىق ەتتى.
بايقاۋعا ورال قالاسىنان بقو دارىندى بالالارعا ارنالعان اباي اتىنداعى مامانداندىرىلعان مەكتەپ – گيمنازيا – ينتەرناتى 11 سىنىپ وقۋشىسى ءمولدىر تەمىرحان، دارىندى بالالارعا ارنالعان س.سەيفۋللين اتىنداعى № 11 وبلىستىق مامانداندىرىلعان مەكتەپ – ليتسەي – ينتەرناتىنىڭ 11 «ا» سىنىپ وقۋشىسى ەلەونورا مالىك، اقجايىق اۋدانىنان بازارتوبە جوبب مەكتەبىنىڭ 9 سىنىپ وقۋشىسى ازيزا قايرات، بايتەرەك اۋدانىنان ق.امانجولوۆ اتىنداعى جوببم-ءنىڭ 9 سىنىپ وقۋشىسى ايزەرە الىپقالي، جاڭاقالا اۋدانىنان جاڭاقالا مەكتەپ گيمنازياسىنىڭ 10 سىنىپ ايانا تەمىرەش، شىڭعىرلاۋ اۋدانىنان شىڭعىرلاۋ جوبب مەكتەبىنىڭ 8 سىنىپ وقۋشىسى ايزەرە جاۋمباي، بوكەي وردا اۋدانىنان م.س.باباجانوۆ اتىنداعى جوبب مەكتەبىنىڭ 11 سىنىپ وقۋشىسى ايانات جاقسىبەكقىزى، جانىبەك اۋدانىنان ع.ابدۋللين اتىنداعى جوبب مەكتەبىنىڭ 8 سىنىپ وقۋشىسى سەزىم ساعادات، قاراتوبە اۋدانىنان الاكول نەگىزگى ورتا مەكتەبىنىڭ 9 سىنىپ وقۋشىسى نۇراينا تولەگەن، قاراتوبە اۋدانىنان شالعىن نەگىزگى ورتا مەكتەبىنىڭ 9 سىنىپ وقۋشىسى گۇلسەزىم قالەكەن، تاسقالا اۋدانىنان مەرەكە مەكتەپ–بوبەكجاي–بالاباقشا كەشەنىنىڭ 9 سىنىپ وقۋشىسى ايكوركەم جاسۇلان، تەرەكتى اۋدانىنان پودستەپنوي جوبب مەكتەبىنىڭ 9 «ب» سىنىپ وقۋشىسى ءاليا كەڭەس، كازتالوۆ اۋدانىنان ا.حۇسايىنوۆ اتىنداعى جوببم-ءنىڭ 8 سىنىپ وقۋشىسى گۇلسانا قايرات، جاڭاجول جوببم-ءنىڭ 11 سىنىپ وقۋشىسى جانسايا بەكەت، قاراوزەن مەكتەپ-ليتسەيىنىڭ 9 سىنىپ وقۋشىسى اياۋلىم تلەپبەرگەنوۆا قاتىسىپ، باقتارىن سىناۋدا.
بايقاۋدىڭ ماراپاتتاۋ راسىمىنە قاتىسقان اۋدان اكىمى اسلانبەك سارقۇلوۆ جاس وقىرماندار مەن جەتەكشىلەرىنە ريزاشىلىعىن ءبىلدىرىپ، جەڭىمپازداردى قۇتتىقتادى.
— مەملەكەت باسشىسى قاسىم-جومارت كەمەلۇلى: ء«بىز، ەڭ الدىمەن، جاستاردى كىتاپ وقۋعا باۋلۋىمىز كەرەك. سوندا جاپپاي كىتاپ وقيتىن ۇلتقا اينالامىز»، — دەگەن بولاتىن. بۇگىنگى بايقاۋ – وسى ۇندەۋدىڭ ومىرشەڭدىگىن دالەلدەپ، جاس ۇرپاقتى ىزدەنىسكە، بىلىمگە، وقۋعا جەتەلەيتىن تاعىلىمدى جوبا. قازاقتا ء«بورى بولىپ ءجۇرۋ ءۇشىن، قاراعىم، بولتىرىك بوپ تۋ كەرەك و باستان» دەگەن تاعىلىمدى ءسوز بار. بۇگىن كىتاپپەن سىرلاسقان، وي ءورىسىن كەڭەيتكەن جاس وقىرماندارىمىز – ەرتەڭگى ەلدىڭ كوشىن باستايتىن، ويى تەرەڭ، پاراساتى بيىك ازاماتتارىمىز بولارى ءسوزسىز. بايقاۋعا قاتىسقان بارشا وقۋشىلارعا، ولاردىڭ ەڭبەگىن باعالاعان ۇستازدارىنا، ءادىل-قازىلار القاسىنا، ۇيىمداستىرۋشىلارعا العىسىمدى بىلدىرەمىن! جۇلدەلى ورىن يەلەرىن شىن جۇرەكتەن قۇتتىقتايمىن! كىتاپقا قۇشتار ۇرپاق – جارقىن بولاشاقتىڭ كەپىلى. ءبىلىم جولىنداعى ىزدەنىستەرىڭىز تولاستاماسىن، بيىك بەلەستەردەن كورىنە بەرىڭىزدەر!، — دەدى اۋدان اكىمى.
ءبىلىم مەن تالاپ شىڭدالعان بايقاۋدىڭ قورىتىندىسىنا سايكەس جاڭاقالالىق ايانا تەمىرحان، قاراتوبەلىك نۇراينا تولەگەن، گۇلسەزىم قالەكەن، اقجايىقتىق ازيزا قايرات، تاسقالالىق ايكوركەم جاسۇلان، تەرەكتىلىك اليا كەڭەس، 25 000 تىڭ تەڭگە ىنتالاندىرۋ سىيلىقتارىنا يە بولدى. ال «كىتاپ الەمىنىڭ ساياحاتشىسى» اتالىمىمەن ماراپاتتالعان جانىبەكتىك سەزىم ساعادات «AMANAT» پارتياسىنىڭ ارنايى جۇلدەسىنە يە بولسا، «ۇشقىر ويلى وقىرمان» اتالىمىمەن ورالدىق ەلەونورا مالىك، «ىزدەنىمپاز وقىرمان اتالىمىمەن» جانسايا بەكەت، ء«بىلىمپاز وقىرمان» اتالىمىمەن ورالدىق ءمولدىر تەمىرحان، «زەيىندى وقىرمان» اتالىمىمەن بوكەي وردالىق ايانات جاقسىبەكقىزى، «تالعامپاز وقىرمان» اتالىمىمەن ايزەرە الىپقالي ماراپاتتالىپ، 50 000 تەڭگە قارجىلاي سەرتيفيكات تابىستالدى.
«مەن وقىعان 30 كىتاپ» ءى وبلىستىق بايقاۋىندا جۇلدەلى ءىىى ورىنعا كازتالوۆتىق اياۋلىم تلەپبەرگەن تۇراقتاپ (100 000 تەڭگە), ءىى ورىندى كازتالوۆتىق گۇلسانا قايرات قانجىعاسىنا بايلاسا (200 000 مىڭ تەڭگە), ءى ورىنعا شىڭعىرلاۋلىق ايزەرە جاۋمباي يە بولىپ، ارنايى ديپلوممەن جانە 300 000 تەڭگە سەرتيفيكاتپەن ماراپاتتالدى.
«مەن وقىعان 30 كىتاپ» بايقاۋى باستاۋ العان ۋاقىتتان بەرى «Adyrna»ۇلتتىق پورتالى تۇراقتى تۇردە اقپاراتتىق قولداۋ كورسەتىپ كەلەدى. استانا قالاسىنان ارنايى كەلگەن «Adyrna media holding» جشس ديرەكتورى، جۋرناليست ارمان اۋباكىر دە جوبا حاقىندا پىكىرىمەن ءبولىستى.
— بيلل گەيتستىڭ كەرەمەت ءبىر ءسوزى بار: «كىتاپ وقىماعانداردى كىتاپ وقىعاندار باسقارادى»، — دەيدى. وي ساناسى دۇرىس قالىپتاساتىن تۇلعالار، مىندەتتى تۇردە كىتاپ وقىعان دەپ بىلەمىن. سوندىقتان وزىندىك پىكىرى، كوزقاراسى، ۇستانىمى بار ادام كىتاپ وقىعان جانداردىڭ قاتارىنان شىعادى. ال الەۋمەتتىك جەلىدە ترەند، ءسان قۋىپ ءجۇرۋ بىلىمسىزدىكتىڭ، كىتاپ وقىماۋدىڭ سالدارىنان دەپ بىلەمىن. جالپى بالالاردى كىتاپ وقۋعا باستايتىن، قىزىقتىراتىنول — كوركەم شىعارما. كوركەم شىعارما — وقىرماندى قيالعا جەتەلەپ، قانات بىتىرەدى. بۇل جەتىستىككە جەتۋ ءۇشىن ماڭىزدى. باتىس قازاقستان وبلىسى، كازتالوۆ اۋدانىندا باستاۋ العان «مەن وقىعان 30 كىتاپ» جوباسىنىڭ وزگە اۋدانداردى دا قامتىپ، وبلىستىق كەزەڭىنىڭ ۇيىمداستىرىلۋى بايقاۋدىڭ قاناتىنىڭ كەڭگە جايعانىن اڭعارتادى. الداعى ۋاقىتتا رەسپۋبليكالىق كەزەڭى دە ۇيىمداستىرىلادى دەگەن سەنىمدەمىن. جوبانىڭ ءمانى مەن مازمۇنى تەرەڭ ەكەنىن ەسكەرە وتىرىپ، ۇنەمى اقپاراتتىق قولداۋ كورسەتەمىز، — دەدى ول.
ال وبلىستىق بايقاۋ جەڭىمپازى ايزەرە جاۋمباي جوبانىڭ ماڭىزىنا توقتالدى.
— بۇل 30 كىتاپتى وقۋ وڭاي شارۋا ەمەس. كىتاپتاردى وقۋ بارىسىندا وقىرمان 30 كىتاپتان، 30 ءتۇرلى كۇي كەشەدى. ويتكەنى كىتاپتار ادامنىڭ ساۋاتىن اشۋعا، تىلدىك قورىن دامىتۋعا سەپتىگىن تيگىزەدى. وسى كىتاپتاردىڭ ىشىندە ماعان ەرەكشە ۇناعانى نەمات كەلىمبەتوۆتىڭ ء«ۇمىت ۇزگىم كەلمەيدى» جانە زەينەپ احمەتوۆانىڭ «بابالار اماناتى» ەكەنىن اتاپ وتكىم كەلەدى. وسىنداي ءتالىمى مەن تاربيەسى، تانىمى مول بايقاۋدىڭ ۇيىمداستىرۋشىلارىنا العىسىم شەكسىز، — دەدى جاس وقىرمان.
بۇل بايقاۋ – جاس وقىرماننىڭ ساناسىنا ساۋلە قۇيىپ، جۇرەگىنە ىزگىلىك ۇيالاتقان، وي كوكجيەگىن كەڭەيتكەن يگى قادام بولدى. كىتاپ ارقىلى ۋاقىتپەن سىرلاسقان ءار بالا بولاشاقتا ەلىن سۇيەر، رۋحى بيىك ازاماتقا اينالارى انىق. «مەن وقىعان 30 كىتاپ» – تەك جارىس ەمەس، جاس ۇرپاقتىڭ بولاشاعىنا سالىنعان التىن كوپىر.
اسىلبەك ناسىپقاليۇلى،
كازتالوۆ اۋدانى اكىمىنىڭ كومەكشىسى
