ەلوردادا ءوتىپ جاتقان الەمدىك جانە ءداستۇرلى دىندەر كوشباسشىلارى كەڭەسىنىڭ ۇيىمداستىرىلۋى مەن وتۋىنە قازاقستان حالقى عانا ەمەس، تۇتاس الەم كوز تىگىپ وتىر . VII سەزدىڭ ۇيىمداستىرىلۋى مەن ساياسي سالماقتىلىعىنا قاتىستى وي-پىكىرلەر ۇلتتىق اقپارات كەڭىستىگىندە تالقىعا تۇسۋدە. جۋرناليست، زەرتتەۋشى كامشات تاسبولات كوپشىلىكتىڭ نازارىن سەزدەگى قازاق ءتىلىنىنىڭ قولدانىسىنا اۋداردى، دەپ حابارلايدى "ادىرنا".
- الەمدىك جانە ءداستۇرلى دىندەر سەزىنىڭ ەلىمىزدە وتكىزىلگەنى قۇپتارلىق. تەك ءبىر اتتەگەن-ايى، كەشەلى بەرى سەزدىڭ باننەرى قازاقشا جانە اعىلشىنشا جازىلدى دەپ جۇرتتىڭ ءبارى سۇيىنشىلەسە دە، كەشەگى وتىرىستىڭ دا، بۇگىنگى سەزدىڭ دە مودەراتسياسى ورىس تىلىندە ءجۇردى؟! ەندى قاراڭىز، ۆاتيكان باسشىسى، اراب الەمىنىڭ عۇلامالارى، يزرايل راۆۆيندەرى، باسقا دا باپتيست، بۋدديست، ت.ب. ءدىن وكىلدەرىنە قازاقشا ءسوز بەرەسىڭ بە، ورىسشا ءسوز بەرەسىڭ بە، ءبارىبىر. رەسەيدىڭ پاتريارحى جيىنعا كەلمەدى، سوندا ماسكەۋ پاتريارحاتىنىڭ وكىلىنە جاسالعان قۇرمەت پە بۇل؟ جالپى، حالىقارالىق زاڭدارعا، ۇستانىمدارعا سايكەس، الەمدىك شارالاردى قابىلداۋشى ەلدىڭ مەملەكەتتىك تىلىندە وتكىزۋگە بولادى! سوندىقتان قابىلداۋشى تاراپ - قازاقستان بولعان سوڭ، سەزد مەملەكەتتىك ءتىل - قازاق تىلىندە ءوتۋى كەرەك! مىندەتتى. 19 ملن حالىقتىڭ 13,5 ميلليونى قازاق، بۇعان بىرنەشە ميلليون تۇركى تىلدەس باۋىرلارىمىزدى قوسىڭىز. ەلىمىزدە قازاقشا بىلەتىن قانشاما نەمىس، ۋكراين كارىس، ورىس، ت.ب. بار. مەملەكەتتىك ءتىل - مەملەكەتتىلىكتىڭ نىسانى! 31 جىل بويى مەملەكەتتىك ءتىلدى حالىقارالىق جيىنداردا دالىزدەن سىعالاتىپ قويعان "ەسكى دە جاڭا" بيلىككە بۇل ۇلكەن سىن، - دەپ جازدى جۋرناليست.
"ادىرنا" ۇلتتىق پورتالى
