كوروناۆيرۋس: جالعان اقپار تاراتقان تۇرعىن سوتتالۋى مۇمكىن

4193
Adyrna.kz Telegram

بالقاشتا كوروناۆيرۋس جايلى جالعان اقپارات تاراتقان تۇرعىنعا قاتىستى قىلمىستىق ءىس قوزعالدى، دەپ حابارلايدى ktk ارناسى.

قالا تۇرعىنى مەديتسينالىق كوللەدجدىڭ جاتاحاناسىن كەسەل جۇقتىردى دەگەن كۇدىككە ىلىنگەن 300 ادام ورنالاستىرىلاتىنى جايلى ۆاتساپ جەلىسى ارقىلى اقپارات تاراتقان.

- قازىر كوروناۆيرۋس كۇدىگى بار 300 ادامدى وسىندا اكەلگەلى جاتىر. بۇل جەر شاعىن، كىشكەنتاي، قىرىلىپ قالسا، ەشكىم بىلمەيدى، ەشكىمنىڭ ەشتەڭەسى كەتپەيدى دەپتى.

بۇل اقپاراتتى قالا تۇرعىنى كوللەدجە وقيتىن قىزىن الىپ كەتۋگە بارعاندا ەستىپتى-مىس. جاتاحانادان ستۋدەنتتەردى شىعارىپ، بوس ورىنداردى كارانتينگە العاندارعا دايىنداپ جاتقانىن كوزىمەن كورگەنىن دە ايتقان. اتالعان اقپارات جەلىدە جەلدەي ەسىپ، ونسىز دا ۇرەي قۇشاعىندا جۇرگەن جۇرتتىڭ ەسىن الدى. پوليتسيا اقپارات تاراتۋشى تۇرعىندى وڭاي انىقتاپ، قىلمىستىق ءىس قوزعادى. ەندى ول ءىرى كولەمدە ايىپپۇل ارقالاۋى نەمەسە 3 جىلعا دەيىن باس بوستاندىعىنان ايىرىلۋى مۇمكىن. قالا تۇرعىنى بولسا، شىندىققا جاناسپايتىن اقپاراتتى ويدان قۇراستىرعانىن ايتىپ اعىنان جىرىلىپ وتىر.

- "اقپارات راستالمادى. مەن وسەك-اياڭعا سەنىپ، قورقىنىشقا بوي الدىرعاندىقتان، بۇل اقپاراتتى بۇكىل ەلگە جايدىم. وسى ارەكەتىم ءۇشىن كەشىرىم سۇرايمىن", دەيدى تۇرعىن.

 

پىكىرلەر