اقتوبەدە -26 گرادۋس ايازدا 20-دان اسا كوپقاباتتى ءۇي جىلۋسىز قالدى. تۇرعىندار پاتەرلەرىندە جىلۋ جوقتىعىن ايتىپ شاعىمدانۋدا. بۇل تۋرالى دياپازون جازدى، دەپ حابارلايدى “ادىرنا” ۇلتتىق پورتالى.
جىلۋمەن جابدىقتاۋشى ۇيىم توتەنشە جاعدايدىڭ سەبەبىن ارماتۋرالاردىڭ زاقىمدانۋىمەن ءتۇسىندىردى.
“7 قاڭتاردا كەشكە اياز كۇشەيىپ، تۇندە سىرتتاعى اۋا تەمپەراتۋراسى -26 گرادۋسقا دەيىن تومەندەدى. ءتۇنى بويى اپات بولىپ، ادامدار جۇمىس ىستەپ جاتقانىن ايتتى. تاڭەرتەڭ جىلۋدى قوسۋعا ارەكەت جاسادى. الايدا ول جۇمىس ىستەمەدى. ەندى ولار جىلۋ جۇيەسىندەگى سۋدى قايتادان توگىپ تاستادى”، - دەيدى تۇرعىندار.
ال «اقتوبە سۋ-ەنەرگوتوپ» اق مالىمەتىنشە، توتەنشە جاعداي ابىلقايىر حان داڭعىلى، 84 مەكەنجايىنداعى ىسىرمالاردىڭ زاقىمدالۋىمەن بايلانىستى بولىپ تۇر. ول شۇعىل اۋىستىرۋدى قاجەت ەتەدى.
كاسىپورىننىڭ مالىمەتىنشە، ىستىق سۋ مەن جىلۋ مىنا مەكەنجايلار بويىنشا شەكتەلگەن:
- ابىلاي حان داڭعىلى 64, 66, 68, 70, 70/1, 72, 74, 76, 78, 80, 82, 84;
- م. وسپانوۆ كوشەسى 52, 52/2, 54ا، 54ب، 54/1, 54/2, 57;
- الدياروۆ كوشەسى 2, 6;
- گ. جۇبانوۆ كوشەسى 50.
«كاسىپورىن ماماندارى جىلۋ كامەراسىندا جۇمىسقا كىرىستى. ولار اياقتالعاننان كەيىن ىستىق سۋ مەن جىلۋدى بەرۋ شتاتتىق رەجيمدە قالپىنا كەلتىرىلەدى»، - دەلىنگەن كومپانيا حابارلاماسىندا.
