كوروناۆيرۋستىڭ جاڭا ءتۇرى COVID-19 جاپپاي تارالۋىنا بايلانىستى كوپتەگەن مەملەكەتتەر توتەنشە جاعداي رەجيمىن ەنگىزدى. قازاقستانمەن بىرگە، تج رەجيمى يتاليا، اقش، يسپانيا، چەحيا، ەستونيا، رۋمىنيا، بولگاريا سلوۆاكيا جانە ماجارستاندا جاريالاندى. بۇل تۋرالى قازاقپارات حابارلايدى.
«قازاقستان توتەنشە جاعدايدى ەنگىزگەن جالعىز مەملەكەت ەمەس. توتەنشە جاعداي ءتارتىبى اقش، يتاليا، بولگاريا، سەربيا، ەستونيا، رۋمىنيا، چەحيا جانە باسقا دا ەلدەردە ەنگىزىلگەن. بىرقاتار مەملەكەتتەر ۆيرۋستىڭ تارالۋى كەڭ ەتەك جايىپ جانە جاعداي باقىلاۋدان شىعا باستاعان كەزدە عانا توتەنشە جاعدايدى ەنگىزۋگە ءماجبۇر بولدى. قازاقستاندىق بيلىك توتەنشە جاعدايدى الدىن الۋ شاراسى رەتىندە ەنگىزۋدە»، - دەپ جازدى قر پرەزيدەنتىنىڭ كەڭەسشىسى ەرلان كارين Facebook پاراقشاسىندا.
فوتو: اشىق دەرەككوزدەن
