Balqashta koronavırýs jaıly jalǵan aqparat taratqan turǵynǵa qatysty qylmystyq is qozǵaldy, dep habarlaıdy ktk arnasy.
Qala turǵyny medıınalyq kolledjdiń jatahanasyn kesel juqtyrdy degen kúdikke ilingen 300 adam ornalastyrylatyny jaıly vatsap jelisi arqyly aqparat taratqan.
- Qazir koronavırýs kúdigi bar 300 adamdy osynda ákelgeli jatyr. Bul jer shaǵyn, kishkentaı, qyrylyp qalsa, eshkim bilmeıdi, eshkimniń eshteńesi ketpeıdi depti.
Bul aqparatty qala turǵyny kolledje oqıtyn qyzyn alyp ketýge barǵanda estipti-mys. Jatahanadan stýdentterdi shyǵaryp, bos oryndardy karantınge alǵandarǵa daıyndap jatqanyn kózimen kórgenin de aıtqan. Atalǵan aqparat jelide jeldeı esip, onsyz da úreı qushaǵynda júrgen jurttyń esin aldy. Polıııa aqparat taratýshy turǵyndy ońaı anyqtap, qylmystyq is qozǵady. Endi ol iri kólemde aıyppul arqalaýy nemese 3 jylǵa deıin bas bostandyǵynan aıyrylýy múmkin. Qala turǵyny bolsa, shyndyqqa janaspaıtyn aqparatty oıdan qurastyrǵanyn aıtyp aǵynan jyrylyp otyr.
- "Aqparat rastalmady. Men ósek-aıańǵa senip, qorqynyshqa boı aldyrǵandyqtan, bul aqparatty búkil elge jaıdym. Osy áreketim úshin keshirim suraımyn", deıdi turǵyn.
