Balqaşta koronavirus jaily jalǧan aqparat taratqan tūrǧynǧa qatysty qylmystyq ıs qozǧaldy, dep habarlaidy ktk arnasy.
Qala tūrǧyny medisinalyq kolledjdıŋ jatahanasyn kesel jūqtyrdy degen küdıkke ılıngen 300 adam ornalastyrylatyny jaily vatsap jelısı arqyly aqparat taratqan.
- Qazır koronavirus küdıgı bar 300 adamdy osynda äkelgelı jatyr. Būl jer şaǧyn, kışkentai, qyrylyp qalsa, eşkım bılmeidı, eşkımnıŋ eşteŋesı ketpeidı deptı.
Būl aqparatty qala tūrǧyny kolledje oqityn qyzyn alyp ketuge barǧanda estıptı-mys. Jatahanadan studentterdı şyǧaryp, bos oryndardy karantinge alǧandarǧa daiyndap jatqanyn közımen körgenın de aitqan. Atalǧan aqparat jelıde jeldei esıp, onsyz da ürei qūşaǧynda jürgen jūrttyŋ esın aldy. Polisiia aqparat taratuşy tūrǧyndy oŋai anyqtap, qylmystyq ıs qozǧady. Endı ol ırı kölemde aiyppūl arqalauy nemese 3 jylǧa deiın bas bostandyǧynan aiyryluy mümkın. Qala tūrǧyny bolsa, şyndyqqa janaspaityn aqparatty oidan qūrastyrǧanyn aityp aǧynan jyrylyp otyr.
- "Aqparat rastalmady. Men ösek-aiaŋǧa senıp, qorqynyşqa boi aldyrǧandyqtan, būl aqparatty bükıl elge jaidym. Osy äreketım üşın keşırım sūraimyn", deidı tūrǧyn.
Ūqsas jaŋalyqtar
