بۇگىن، 5 ساۋىردە الماتىدا اۋا رايى كۇرت بۇزىلىپ، شاڭدى داۋىل تۇردى. الەۋمەتتىك جەلى قولدانۋشىلارى كوكجيەكتى باسقان سۇر بۇلتتاردىڭ، جەلدىڭ قاتتى ەكپىنى مەن ناشار كورىنىستىڭ كادرلارىمەن ءبولىسىپ جاتىر، دەپ حابارلايدى “ادىرنا” ۇلتتىق پورتالى.
كەيبىر اۋدانداردا ەلەكتر قۋاتى اجىراتىلىپ، قالا ماڭىنداعى شالقار اۋىلىندا اعاشتار قۇلاپ، ەلەكتر جەلىلەرىنە زاقىم كەلگەن. اۋىل تۇرعىندارى ينتەرنەتتىڭ دە ءوشىپ قالعانىن ايتۋدا.
الماتى قالاسىندا دا ينتەرنەت باياۋلاعان.
الماتى قالاسىنىڭ تجد بۇعان دەيىن داۋىلدى ەسكەرتۋ جاساعان. ماماندار بۇگىن نايزاعاي ويناپ، قاتتى جاڭبىر جاۋىپ، جەل سەكۋندىنا 15-20 مەترگە دەيىن كۇشەيەدى دەپ ەسكەرتكەن بولاتىن.
تۇرعىندارعا اباي بولۋ، قاجەتسىز سىرتقا شىقپاۋ ۇسىنىلادى.
ۇقساس جاڭالىقتار
