ۇيدە وقۋعا مۇمكىندىگى جوق ستۋدەنتتەر الماتىداعى جاتاقحانالاردا تۇرا الادى. بۇل تۋرالى الماتى قالاسى باس سانيتارلىق دارىگەرىنىڭ ورىنباسارى اسەل قالىقوۆا ايتتى، دەپ حابارلايدى "ادىرنا" ۇلتتىق پورتالى، zakon.kz-كە سىلتەپ.
الماتىداعى ايماقتىق كوممۋنيكاتسيالار قىزمەتىندە وتكەن بريفينگتە جۋرناليست قالانىڭ باس سانيتارلىق دارىگەرىنىڭ جاڭا قاۋلىسىنا بايلانىستى جاتاقحانادان شىعارىلىپ جاتقان ستۋدەنتتەر تۋرالى سۇرادى. ۇيدە وقۋعا جاعدايى جوق ستۋدەنتتەرگە قالاي وقيتىنى جايلى جانە سەسسيانى قالاي تاپسىراتىن جونىندە سۇراق قويدى.
"ونداي ستۋدەنتتەر جاتاقحانادا تۇرا الادى، ەگەر ولار ءوز ۇيلەرىندە وقۋعا جاعدايلارى بولماسا. بىراق بارلىق سانيتارلىق-ەپيدەميولوگيالىق نورمالار مەن ەرەجەلەرگە باعىنادى",دەپ جاۋاپ بەردى الماتى قالاسى باس سانيتارلىق دارىگەرىنىڭ ورىنباسارى اسەل قالىقوۆا.
ول مونيتورينگتىك توپتاردىڭ پىكىرى بويىنشا ستۋدەنتتەردىڭ ءبىر بولىگى جاتاقحانادان كەتە باستاعانىن اتاپ ءوتتى.
سونىمەن قاتار ول بۇگىن الماتىداعى جاتاقحانالاردىڭ بىرىندە كوروناۆيرۋس ىندەتى انىقتالعانىن ايتتى. ءبىر بولمەدە تۇرماعان، ءۇش ناۋقاس ۆيرۋس جۇقتىرعانىن اتادى. بۇگىنگى كۇنى جاتاقحانادا ەپيدەمياعا قارسى شارالار قابىلدانىپ، بايلانىستار شەڭبەرى قۇرىلدى جانە قوسىمشا پتر-تەستىلەۋ وتكىزىلدى.
الماتى جاتاقحانالارىنداعى ستۋدەنتتەردى شىعارۋ بارىسىندا ءبىلىم جانە عىلىم مينيسترلىگى تۇسىنىكتەمە بەردى. دەپارتامەنت بۇل ماسەلە دەنساۋلىق ساقتاۋ مينيسترلىگىنىڭ قۇزىرەتىنە جاتاتىنىن ايتتى، بىراق ولاردىڭ ستۋدەنتتەردى شىعارعىسى كەلمەيتىندىگىن اتاپ ءوتتى، ويتكەنى وقۋ جىلىنىڭ اياقتالۋىنا ءبىر جارىم اي عانا ۋاقىت قالدى. ولار سونىمەن قاتار ستۋدەنتتەردى ماجبۇرلەپ شىعارۋ تۋرالى اقپارات شىندىققا جاناسپايدى دەيدى.
"ادىرنا" ۇلتتىق پورتالى
