Búgin, 5 sáýirde Almatyda aýa raıy kúrt buzylyp, shańdy daýyl turdy. Áleýmettik jeli qoldanýshylary kókjıekti basqan sur bulttardyń, jeldiń qatty ekpini men nashar kórinistiń kadrlarymen bólisip jatyr, dep habarlaıdy “Adyrna” ulttyq portaly.
Keıbir aýdandarda elektr qýaty ajyratylyp, qala mańyndaǵy Shalqar aýylynda aǵashtar qulap, elektr jelilerine zaqym kelgen. Aýyl turǵyndary ınternettiń de óship qalǵanyn aıtýda.
Almaty qalasynda da ınternet baıaýlaǵan.
Almaty qalasynyń TJD buǵan deıin daýyldy eskertý jasaǵan. Mamandar búgin naızaǵaı oınap, qatty jańbyr jaýyp, jel sekýndyna 15-20 metrge deıin kúsheıedi dep eskertken bolatyn.
Turǵyndarǵa abaı bolý, qajetsiz syrtqa shyqpaý usynylady.
