اقش-تاعى دونالد ترامپپەن وتكەن ءساتسىز كەزدەسۋدەن كەيىن ۋكراينا پرەزيدەنتى ۆلاديمير زەلەنسكي ۇلىبريتانياعا ساپار شەكتى. ول مىنگەن ۇشاق لوندوننىڭ ستانستەد اۋەجايىنا كەلىپ قوندى، دەپ حابارلايدى "ادىرنا" ۇلتتىق پورتالى.
RBC مالىمەتىنشە، ترامپ پەن زەلەنسكي اراسىنداعى كىكىلجىڭنەن كەيىن ۇلىبريتانيا پرەمەر-ءمينيسترى كير ستارمەر ەكى ەل پرەزيدەنتتەرىمەن تەلەفون ارقىلى سويلەسىپ، جاعدايدى رەتتەۋگە تىرىستى.
2 ناۋرىزدا لوندوندا ەۋروپا ەلدەرىنىڭ كوشباسشىلارى زەلەنسكيمەن كەزدەسەدى. جيىندا ۋكرايناعا بەرىلەتىن قاۋىپسىزدىك كەپىلدىگى ماسەلەسى قارالادى.
ەسكە سالا كەتسەك، 28 اقپاندا اق ۇيدەگى كەزدەسۋ بارىسىندا ترامپ پەن زەلەنسكي اراسىندا داۋلى پىكىرتالاس تۋىنداپ، كەلىسسوز ناتيجەسىز اياقتالعان بولاتىن. وسىدان كەيىن ۋكراينا دەلەگاتسياسى اق ۇيدەن كەتتى، ال ترامپ بىرلەسكەن ءباسپاسوز ءماسليحاتىن وتكىزۋ جوسپارىنان باس تارتتى.
