اقش پرەزيدەنتى دونالد ترامپتىڭ اكىمشىلىگى جوعارعى سوتقا شاعىم ءتۇسىرىپ، اكىمشىلىك ەلدە زاڭسىز ميگرانتتاردان نەمەسە ۋاقىتشا مارتەبەسى بار شەتەلدىكتەردەن تۋعان بالالارعا ازاماتتىق بەرمەۋدى كوزدەيتىن پرەزيدەنت جارلىعىن كونستيتۋتسيالىق دەپ تانۋدى سۇراپ وتىر، دەپ حابارلايدى "ادىرنا" ۇلتتىق پورتالى.
اتالعان قۇجاتقا ترامپ قىزمەتىنە كىرىسكەن العاشقى كۇنى قول قويعان. الايدا فەدەرالدىق سوتتار جارلىقتىڭ كۇشىنە ەنۋىن بۇعاتتاعان ەدى. ويتكەنى ول كونستيتۋتسيانىڭ 14-ءشى تۇزەتۋىنە قايشى كەلەدى. بۇل تۇزەتۋ اقش-تا تۋعان بارلىق ادامدارعا ازاماتتىق بەرۋدى كەپىلدەيدى.
ترامپ اكىمشىلىگى قولدانىستاعى تۇسىندىرمەنى «قاتە» دەپ سانايدى. بۇعان دەيىن 9-شى وكرۋگتىك اپەللياتسيالىق سوت جارلىقتى كونستيتۋتسياعا ساي ەمەس دەپ تانىعان بولاتىن.
بۇل - اق ءۇيدىڭ ماسەلەنى جوعارعى سوتقا ەكىنشى رەت شىعارىپ وتىرعانى.
