فوتو: جي
قازاقستاندا تۋريزم سالاسىنان تۇسكەن سالىق تۇسىمدەرىنىڭ كولەمى 303 ملرد تەڭگەگە جەتتى، دەپ حابارلايدى "ادىرنا".
بۇگىن ورتالىق كوممۋنيكاتسيالار قىزمەتىندە وتكەن بريفينگتە ەلدەگى جالپى سالىق تۇسىمدەرىنىڭ 2,1%-ىن قۇرايتىنى ايتىلدى. ال شەتەلدىك تۋريستەردىڭ قازاقستاندا جۇمساعان قاراجاتى 1,4 ملرد دوللارعا باعالاندى.
تۋريزم جانە سپورت ءمينيسترىنىڭ ايتۋىنشا، 2026 جىلدىڭ العاشقى التى ايىندا ەلدەگى ورنالاستىرۋ ورىندارى شامامەن 5 ملن ادامعا قىزمەت كورسەتكەن. ونىڭ ىشىندە 4,129 ملن-ى – ىشكى تۋريستەر، 642 مىڭى – شەتەلدىك قوناقتار. بۇل وتكەن جىلدىڭ سايكەس كەزەڭىمەن سالىستىرعاندا 5%-عا جوعارى.
سونىمەن قاتار وسى كەزەڭدە ورنالاستىرۋ ورىندارى كورسەتكەن قىزمەت كولەمى 15%-عا ءوسىپ، 173,7 ملرد تەڭگەگە جەتكەن.
تۋريزم سالاسىندا جۇمىسپەن قامتىلعاندار سانى دا ارتىپ كەلەدى. قازىر بۇل باعىتتا 565 مىڭنان استام ادام ەڭبەك ەتەدى. بۇل ەلدەگى جالپى جۇمىسپەن قامتىلعان حالىقتىڭ 6%-ىنا تەڭ.
ينۆەستيتسيا كولەمى دە وڭ ديناميكا كورسەتىپ وتىر. 2026 جىلدىڭ العاشقى توعىز ايىندا تۋريزم سالاسىنىڭ نەگىزگى كاپيتالىنا 1 ترلن 319 ملرد تەڭگە ينۆەستيتسيا سالىنعان. بۇل 2025 جىلدىڭ وسى كەزەڭىندەگى كورسەتكىشتەن 68%-عا ارتىق.
ءمينيستردىڭ مالىمەتىنشە، اتالعان كورسەتكىشتەر تۋريزم سالاسىنىڭ قازاقستان ەكونوميكاسىنداعى ۇلەسى مەن ماڭىزى ارتىپ كەلە جاتقانىن كورسەتەدى.
