قازاقستان رەسپۋبليكاسى مەملەكەتتىك سىيلىعىنىڭ يەگەرى ەسكەندىر حاسانعاليەۆ كوزى ءتىرى بولعاندا 85 جاسقا تولار ەدى، دەپ حابارلايدى "ادىرنا" ۇلتتىق پورتالى.
ەسكەندىر حاسانعاليەۆ 1940 جىلى 13 اقپاندا باتىس قازاقستان وبلىسى قاراتوبە اۋدانى قالدىعايتى وكرۋگى باتپاقكول مەكەنىندە دۇنيەگە كەلگەن.
اۋىل بالاسى العاش رەت نوتامەن ورال قالاسىندا التى اي بايان اسپابىندا وينايتىن مۋزىكانتتار كۋرسىندا تانىسقان. ال فورتەپيانونى العاش رەت 1959 جىلى قۇرمانعازى اتىنداعى كونسەرۆاتوريانىڭ دايىندىق بولىمىنە تۇسكەن كەزدە كورگەن. ول كەزدە ءانشى 19 جاستا ەدى.
1963 جىلى قازاق راديوسىندا مۋزىكا رەداكتورى بولدى. ءبىر جىلدان سوڭ قۇرمaنعaزى aتىندaعى Aلمaتى مەملەكەتتiك كونسەرۆaتورياسىنىڭ ۆوكaلدى-حور فaكۋلتەتiن گالينا ۆينوگرaدوۆا مەن ناديا ءشارىپوۆaنىڭ كلaسىندا بىتىرگەن.
قازاق ۇلتتىق پەداگوگيكالىق قىزدار ينستيتۋتىندا حور ديريجەرى، قازاق راديو جانە تەلەارنا وركەسترىنىڭ ءسوليسى قىزمەتىن اتقاردى.
1978 جىلى ءال-فارابي اتىنداعى شىمكەنت مادەنيەت ينستيتۋتىن سىرتتاي وقىپ بىتىرگەن.
ەسكەندىر حaسaنعaليەۆ ورىندaۋ مانەرiمەن ەرەكشەلەنىپ، قازاق ەسترادالىق-سيمفونيالىق تەلەديدار جانە راديو وركەسترىنىڭ ءسوليسى بولدى. حالىق اندەرى مەن قازاقستان كومپوزيتورلارىنىڭ اندەرىن ورىنداپ كوپشىلىككە تانىلدى.
العاشقى "اناعا سالەم" ءانىن 1961 جىلى شىعاردى. ءان بىردەن حالىق اراسىندا كەڭ تارالىپ، كومپوزيتور رەتىندە وسى انمەن تانىمال بولدى. تۋىندى 60 جىلدان بەرى كوپشىلىك كوڭىلىنەن ورىن الىپ كەلە جاتىر.
كەيىننەن "اسىل ارمان", "ادەمى-اۋ", "ساعىندىم سەنى", "بوزتورعايىم" سەكىلدى تانىمال اندەر جازىلدى. 50 جىلدان استام ۋاقىتتا 200-گە جۋىق ءان، رومانس، حورعا ارنالعان شىعارمالار، فيلم مەن مۋزىكالىق قويىلىمدارعا اۋەن جازدى.
باكىر تاجىباەۆتىڭ سوزىنە جازىلعان "ادەمى-اۋ" ءانىن 70-ءشى جىلدارى قاراعاندىداعى كونتسەرتتەردىڭ بىرىندە كەزدەيسوق كورىپ قالعان قىزعا ارناعان. ءتورت جىلدان كەيىن ول قىزدى الماتىدا تاعى ءبىر كەزدەستىرىپ، كەيىن سول قىزبەن وتباسىن قۇرادى.
كومپوزيتور 2021 جىلى 30 ساۋىردە كوروناۆيرۋستان قايتىس بولدى.
