Qazaqstan Respublikasy memlekettık syilyǧynyŋ iegerı Eskendır Hasanǧaliev közı tırı bolǧanda 85 jasqa tolar edı, dep habarlaidy "Adyrna" ūlttyq portaly.
Eskendır Hasanǧaliev 1940 jyly 13 aqpanda Batys Qazaqstan oblysy Qaratöbe audany Qaldyǧaity okrugı Batpaqköl mekenınde düniege kelgen. Auyl balasy alǧaş ret notamen Oral qalasynda alty ai baian aspabynda oinaityn muzykanttar kursynda tanysqan. Al fortepianony alǧaş ret 1959 jyly Qūrmanǧazy atyndaǧy konservatoriianyŋ daiyndyq bölımıne tüsken kezde körgen. Ol kezde änşı 19 jasta edı. 1963 jyly Qazaq radiosynda muzyka redaktory boldy. Bır jyldan soŋ Qūrmanǧazy atyndaǧy Almaty memlekettik konservatoriiasynyŋ vokaldy-hor fakultetin Galina Vinogradova men Nadiia Şärıpovanyŋ klasynda bıtırgen. Qazaq ūlttyq pedagogikalyq qyzdar institutynda hor dirijerı, Qazaq radio jäne telearna orkestrınıŋ solisı qyzmetın atqardy. 1978 jyly äl-Farabi atyndaǧy Şymkent mädeniet institutyn syrttai oqyp bıtırgen. Eskendır Hasanǧaliev oryndau mänerimen erekşelenıp, qazaq estradalyq-simfoniialyq teledidar jäne radio orkestrınıŋ solisı boldy. Halyq änderı men Qazaqstan kompozitorlarynyŋ änderın oryndap köpşılıkke tanyldy. Alǧaşqy "Anaǧa sälem" änın 1961 jyly şyǧardy. Än bırden halyq arasynda keŋ taralyp, kompozitor retınde osy änmen tanymal boldy. Tuyndy 60 jyldan berı köpşılık köŋılınen oryn alyp kele jatyr. Keiınnen "Asyl arman", "Ädemı-au", "Saǧyndym senı", "Boztorǧaiym" sekıldı tanymal änder jazyldy. 50 jyldan astam uaqytta 200-ge juyq än, romans, horǧa arnalǧan şyǧarmalar, film men muzykalyq qoiylymdarǧa äuen jazdy. Bäkır Täjıbaevtıŋ sözıne jazylǧan "Ädemı-au" änın 70-şı jyldary Qaraǧandydaǧy konsertterdıŋ bırınde kezdeisoq körıp qalǧan qyzǧa arnaǧan. Tört jyldan keiın ol qyzdy Almatyda taǧy bır kezdestırıp, keiın sol qyzben otbasyn qūrady. Kompozitor 2021 jyly 30 säuırde koronavirustan qaitys boldy.Ūqsas jaŋalyqtar
