الماتىداعى تانىمال سۋپەرماركەتتەر جەلىسى كارتوپ ساتىلىمىنا ۋاقىتشا شەكتەۋ ەنگىزدى. دەگەنمەن قالالىق كاسىپكەرلىك جانە ينۆەستيتسيا باسقارماسى مەگاپوليستە كارتوپ تاپشىلىعى جوق ەكەنىن مالىمدەدى، دەپ حابارلايدى “ادىرنا” ۇلتتىق پورتالى.
باسقارما وكىلدەرىنىڭ مالىمەتىنشە، قالاداعى ساۋدا ورىندارىنىڭ قويمالارىنداعى قورلار حالىق سۇرانىسىن تولىعىمەن قامتاماسىز ەتۋگە جەتكىلىكتى. سونىمەن قاتار، فورۆاردتىق ساتىپ الۋلار اياسىندا سۋپەرماركەتتەردە كارتوپتىڭ كەلىسى 157 تەڭگەدەن ساتىلىپ جاتىر.
قالا بيلىگى كەيبىر كاسىپكەرلەردىڭ كارتوپتى كوتەرمە تۇردە ساتىپ الىپ، ونى قايتادان جوعارى باعامەن ساتۋعا تىرىسىپ جاتقانىن اتاپ ءوتتى. وسىنداي الىپساتارلىق ارەكەتتەردىڭ الدىن الۋ جانە باعانىڭ نەگىزسىز وسۋىنە جول بەرمەۋ ماقساتىندا كارتوپتى كوتەرمە ساتىپ الۋعا ۋاقىتشا شەكتەۋلەر ەنگىزىلگەن.
بۇل شەكتەۋلەر ازىق-تۇلىك باعاسىنىڭ وسۋىنە الاڭداعان تۇرعىندار اراسىندا ءتۇرلى پىكىر تۋدىردى.
ەسكە سالا كەتسەك، بۇعان دەيىن ساۋدا مينيسترلىگى قازاقستانداعى كارتوپ باعاسىنىڭ وسۋىنە قاتىستى پىكىر ءبىلدىرىپ، كەي ايماقتاردا باعانىڭ 433 تەڭگەگە دەيىن جەتكەنىن مالىمدەگەن بولاتىن.
