Almatydaǧy tanymal supermarketter jelısı kartop satylymyna uaqytşa şekteu engızdı. Degenmen qalalyq käsıpkerlık jäne investisiia basqarmasy megapoliste kartop tapşylyǧy joq ekenın mälımdedı, dep habarlaidy “Adyrna” ūlttyq portaly.
Basqarma ökılderınıŋ mälımetınşe, qaladaǧy sauda oryndarynyŋ qoimalaryndaǧy qorlar halyq sūranysyn tolyǧymen qamtamasyz etuge jetkılıktı. Sonymen qatar, forvardtyq satyp alular aiasynda supermarketterde kartoptyŋ kelısı 157 teŋgeden satylyp jatyr.
Qala bilıgı keibır käsıpkerlerdıŋ kartopty köterme türde satyp alyp, ony qaitadan joǧary baǧamen satuǧa tyrysyp jatqanyn atap öttı. Osyndai alypsatarlyq äreketterdıŋ aldyn alu jäne baǧanyŋ negızsız ösuıne jol bermeu maqsatynda kartopty köterme satyp aluǧa uaqytşa şekteuler engızılgen.
Būl şekteuler azyq-tülık baǧasynyŋ ösuıne alaŋdaǧan tūrǧyndar arasynda türlı pıkır tudyrdy.
Eske sala ketsek, būǧan deiın sauda ministrlıgı Qazaqstandaǧy kartop baǧasynyŋ ösuıne qatysty pıkır bıldırıp, kei aimaqtarda baǧanyŋ 433 teŋgege deiın jetkenın mälımdegen bolatyn.
Ūqsas jaŋalyqtar
