فوتو: medved-holding.com
«قازاۆتوجول» ۇلتتىق كومپانياسى 2026 جىلعى 11 قاراشاعا ارنالعان رەسپۋبليكالىق ماڭىزى بار اۆتوجولدارداعى اۋا رايى بولجامىن جاريالادى، دەپ حابارلايدى "ادىرنا".
ماماندار بىرقاتار وڭىردە قار ارالاس جاڭبىر مەن قار جاۋاتىنىن ەسكەرتىپ، جۇرگىزۋشىلەردى ساق بولۋعا شاقىردى.
كومپانيانىڭ حابارلاۋىنشا، بۇگىن اقمولا، الماتى، اقتوبە، پاۆلودار، قاراعاندى، قىزىلوردا، قوستاناي، تۇركىستان، شىعىس قازاقستان، اباي، جەتىسۋ جانە ۇلىتاۋ وبلىستارىندا جاۋىن-شاشىن كۇتىلەدى.
اۋا رايىنىڭ قولايسىزدىعىنا بايلانىستى رەسپۋبليكالىق ماڭىزى بار اۆتوجولداردىڭ كەيبىر بولىكتەرىندە كورىنۋ قاشىقتىعى تومەندەپ، جول جامىلعىسى تايعاق بولۋى ىقتيمال.
وسىعان بايلانىستى «قازاۆتوجول» جۇرگىزۋشىلەرگە جولداعى جاعدايدى ەسكەرىپ، كولىك اراسىنداعى قاۋىپسىز اراقاشىقتىقتى ساقتاۋدى ۇسىنادى. سونداي-اق جىلدامدىقتى جولدىڭ احۋالىنا قاراي رەتتەپ، كۇرت مانەۆر جاساۋدان اۋلاق بولۋعا كەڭەس بەردى.
رەسپۋبليكالىق ماڭىزى بار اۆتوجولداردىڭ جاي-كۇيى تۋرالى تاۋلىك بويى جۇمىس ىستەيتىن 1403 بايلانىس ءنومىرى ارقىلى بىلۋگە بولادى.
