مەملەكەت باسشىسى قاسىم-جومارت توقاەۆ ءازىربايجان پرەزيدەنتى يلحام اليەۆپەن تەلەفون ارقىلى سويلەستى. بۇل تۋرالى اقوردا مالىمدەدى، دەپ حابارلايدى “ادىرنا” ۇلتتىق پورتالى.
قاسىم-جومارت توقاەۆ يلحام اليەۆتى تۋعان كۇنىمەن قۇتتىقتاپ، باۋىرلاس ءازىربايجان حالقىنىڭ يگىلىگى جولىنداعى مەملەكەتتىك قىزمەتىنە تابىس تىلەدى.
مەملەكەت باسشىسى قازاق-ازەربايجان قاتىناستارىن دامىتۋعا قوسقان يلحام اليەۆتىڭ ەلەۋلى ۇلەسىن جوعارى باعالادى.
پرەزيدەنتتەر ەكىجاقتى ىقپالداستىقتىڭ قارقىنى جوعارى ەكەنىن اتاپ ءوتىپ، ساۋدا-ەكونوميكالىق جانە مادەني-گۋمانيتارلىق سالالارداعى ستراتەگيالىق سەرىكتەستىكتى ودان ءارى نىعايتۋ پەرسپەكتيۆاسىن تالقىلادى.
اسىرەسە، جوعارى دەڭگەيدەگى ساپارلار كەزىندە قول جەتكىزىلگەن ۋاعدالاستىقتاردى ىسكە اسىرۋ ماسەلەسىنە ايرىقشا ءمان بەرىلدى.
ۇقساس جاڭالىقتار
