Memleket basshysy Qasym-Jomart Toqaev Ázirbaıjan prezıdenti Ilham Álıevpen telefon arqyly sóılesti. Bul týraly Aqorda málimdedi, dep habarlaıdy “Adyrna” ulttyq portaly.
Qasym-Jomart Toqaev Ilham Álıevti týǵan kúnimen quttyqtap, baýyrlas Ázirbaıjan halqynyń ıgiligi jolyndaǵy memlekettik qyzmetine tabys tiledi.
Memleket basshysy qazaq-ázerbaıjan qatynastaryn damytýǵa qosqan Ilham Álıevtiń eleýli úlesin joǵary baǵalady.
Prezıdentter ekijaqty yqpaldastyqtyń qarqyny joǵary ekenin atap ótip, saýda-ekonomıkalyq jáne mádenı-gýmanıtarlyq salalardaǵy strategııalyq seriktestikti odan ári nyǵaıtý perspektıvasyn talqylady.
Ásirese, joǵary deńgeıdegi saparlar kezinde qol jetkizilgen ýaǵdalastyqtardy iske asyrý máselesine aıryqsha mán berildi.
