قازاقستان پرەزيدەنتى قاسىم-جومارت توقاەۆ ەۋروپا وداعىنىڭ سىرتقى ىستەر جانە قاۋىپسىزدىك ساياساتى جونىندەگى جوعارعى وكىلى – ەۋروپالىق كوميسسيانىڭ ۆيتسە-پرەزيدەنتى كايا كاللاسپەن كەزدەستى. بۇل تۋرالى اقوردانىڭ ءباسپاسوز قىزمەتى جاريالادى، دەپ حابارلايدى “ادىرنا” ۇلتتىق پورتالى.
كەزدەسۋدە قازاقستاننىڭ ەۋروپا وداعىمەن سانقىرلى ىقپالداستىعىنىڭ پەرسپەكتيۆاسى تالقىلاندى. ساۋدا-ەكونوميكالىق ىنتىماقتاستىقتىڭ ماڭىزدى باعىتتارىنا، اتاپ ايتقاندا، ەنەرگەتيكا، ونەركاسىپ، تسيفرلاندىرۋ، سونداي-اق ترانسكاسپي حالىقارالىق كولىك ءدالىزىن دامىتۋدى كوزدەيتىن ءىرى ينفراقۇرىلىمدىق جوبالاردى جۇزەگە اسىرۋ ماسەلەلەرىنە ەرەكشە ءمان بەرىلدى.
كەزدەسۋدە قازاقستاننىڭ ەۋروپا وداعىمەن سانقىرلى ىقپالداستىعىنىڭ پەرسپەكتيۆاسى تالقىلاندى. ساۋدا-ەكونوميكالىق ىنتىماقتاستىقتىڭ ماڭىزدى باعىتتارىنا، اتاپ ايتقاندا، ەنەرگەتيكا، ونەركاسىپ، تسيفرلاندىرۋ، سونداي-اق ترانسكاسپي حالىقارالىق كولىك ءدالىزىن دامىتۋدى كوزدەيتىن ءىرى ينفراقۇرىلىمدىق جوبالاردى جۇزەگە اسىرۋ ماسەلەلەرىنە ەرەكشە ءمان بەرىلدى.
كايا كاللاستىڭ ايتۋىنشا، قازاقستان ەۋروپا وداعىمەن سەرىكتەستىك جانە ىنتىماقتاستىق جونىندەگى كەلىسىمگە قول قويعان ايماقتاعى العاشقى ەلدەردىڭ ءبىرى. بۇل ەكىجاقتى قارىم-قاتىناستىڭ دەڭگەيى جوعارى ەكەنىن كورسەتەدى. ول ەۋروپالىق كوميسسيا مەن قازاقستان اراسىندا ۆيزا بەرۋ ءتارتىبىن جەڭىلدەتۋ جونىندەگى كەلىسىمدى بەكىتۋ ۇدەرىسى باستالعانىن مالىمدەدى.
مەملەكەت باسشىسى قازاقستاندىقتار اتالعان جاڭالىقتى وتە جىلى قابىلداعانىن اتاپ ءوتىپ، بۇل قادام ەۋروپالىق ەلدەرمەن جەكە جانە ىسكەرلىك قاتىناستاردى نىعايتۋعا مول مۇمكىندىك بەرەتىنىن ايتتى.
بۇدان بولەك، قاسىم-جومارت توقاەۆ پەن كايا كاللاس حالىقارالىق جانە وڭىرلىك كۇن تارتىبىندەگى وزەكتى تاقىرىپتار جونىندە پىكىر الماستى.
مەملەكەت باسشىسى جاھاندىق تۇراقسىزدىقتى ەسكەرە وتىرىپ، الەمدە بولىپ جاتقان كۇردەلى وقيعالارعا باعا بەرۋدە بايىپتىلىق پەن جاۋاپكەرشىلىك تانىتۋدىڭ ايرىقشا ماڭىزعا يە ەكەنىنە توقتالدى. پرەزيدەنتتىڭ پىكىرىنشە، قازاقستان بارلىق وزەكتى حالىقارالىق ماسەلەلەر مەن قاقتىعىستاردى ديپلوماتيالىق كەلىسسوزدەر ارقىلى شەشۋدى بەرىك ۇستانادى.
قاسىم-جومارت توقاەۆ بيىل قۇرىلعانىنا 80 جىل تولعان بۇۇ-نىڭ ءالى دە امبەباپ ءارى بالاماسى جوق ۇيىم سانالاتىنىن جەتكىزدى. سونىمەن قاتار بارلىق مەملەكەتتەر قۇرىلىم جارعىسى مەن الەم ەلدەرى مويىنداعان حالىقارالىق قۇقىق قاعيداتتارىن ساقتاۋعا ءتيىس دەپ سانايدى.
كەزدەسۋدە سونداي-اق «ورتالىق ازيا – ەۋروپا وداعى» فورماتىنداعى ىقپالداستىقتىڭ جاي-كۇيى قارالدى.
ايتا كەتسەك، توقاەۆ «ورتالىق ازيا» حالىقارالىق ونەركاسىپتىك كووپەراتسياسىنا قاتىستى زاڭعا قول قويعان ەدى.
