الماتى ماڭىندا جيھاز تسەحى ورتكە وراندى، دەپ حابارلايدى "ادىرنا" ۇلتتىق پورتالى.
«الماتى-بىشكەك» اۆتوجولىنىڭ 18 شاقىرىمىندا ورنالاسقان جيھاز تسەحىندا ءورت شىقتى. قىزىل جالىن سالدارىنان 2 ادام جەڭىل جاراقات العان.
الماتى وبلىسى تجد مالىمەتىنشە ءورت بۇگىن شامامەن 13:19-دا شىققان. قاسكەلەڭ قالاسىنداعى 101 بايلانىس پۋنكتىنىڭ جەلىسىنە ماتراتستار وندىرەتىن جيھاز تسەحىنىڭ جانعانى تۋرالى حابارلاما كەلىپ تۇسكەن.
ءورتتى سوندىرۋگە الماتى وبلىسى تجد-نىڭ 27 قىزمەتكەرى مەن 9 بىرلىك تەحنيكاسى، الماتى قالاسى تجد-نىڭ 5 قىزمەتكەرى مەن 1 بىرلىك تەحنيكا جۇمىلدىرىلعان."وقيعا ورنىنا كەلگەننەن كەيىن جالپى اۋدانى 231 ش.م. ماتراتستار شىعاراتىن جيھاز تسەحىنىڭ جانىپ جاتقانىانىقتالدى، قابىلدانعان شارالارمەن ءورت 14:07-دە جويىلدى. جالىن سالدارىنان ەكى ادام جەڭىل جاراقات الدى. ءورتتىڭ سەبەبى انىقتالىپ جاتىر", - دەپ حابارلادى وبلىستىق تجد ءباسپاسوز قىزمەتى.
ۇقساس جاڭالىقتار
