الماتى وبلىسى، ەڭبەكشىقازاق اۋدانىندا جولاۋشىلار جاپپاي توبەلەستى. اقىرىندا 5 ادام اۋرۋحاناعا ءتۇسىپ، ءبىرى كوز جۇمدى. وقىستا بولعان وسپادار وقيعا جايلى "ادىرنا" ۇلتتىق پورتالى جازدى.
6 قاراشا، ساعات تۇنگى ءبىر شاماسىندا الماتى وبلىسى، ەڭبەكشىقازاق اۋدانىنىڭ پوليتسيا بولىمىنە وقىس جاعداي تۋرالى اقپار ءتۇستى. اقپار بويىنشا، كوپسالالى اۋرۋحاناعا ءتۇرلى جاقاتى بار 5 ادام جەتكىزىلگەن. ولاردىڭ بىرەۋى العان جاراقاتى سالدارىنان كوز جۇمدى.
- اتالعان دەرەك بويىنشا جەدەل-تەرگەۋ توبى قۇرىلدى. قىلمىستىق ءىس قر قك-ءنىڭ 99-بابى بويىنشا تەرگەلۋدە. قازىرگى ۋاقىتتا وقيعانىڭ بارلىق قاتىسۋشىلارىن انىقتاۋ، سونداي-اق بولعان وقيعانىڭ سەبەپتەرىن انىقتاۋ ءۇشىن بارلىق قاجەتتى تەرگەۋ ارەكەتتەرى جۇرگىزىلىپ جاتىر، - دەدى الماتى وبلىسى پد ءباسپاسوز قىزمەتى.
كۋاگەرلەر تۇرگەنگە اپاراتىن جول بويىندا اتىس بولىپ، جول اپاتىنىڭ ورىن العانىن بايقاعان. انىقتالعانداي، ولاردىڭ بىرىنە وق تيگەن، ال قالعان تورتەۋى وتكىر زاتتان جارالانعان. پوليتسيا تولىققاندى اقپاراتتىڭ كەيىن جاريالاناتىندىعىن ايتتى.
"ادىرنا" ۇلتتىق پورتالى
