وزبەكستاندا ءوتىپ جاتقان فۋتزالدان الەم چەمپيوناتىنىڭ 1/8 فينالىندا قازاقستان قۇراماسى پورتۋگاليانى جەڭدى، دەپ حابارلايدى “ادىرنا” ۇلتتىق پورتالى.
ءاندىجاندا وتكەن كەزدەسۋ 2:1 ەسەبىمەن اياقتالدى.
قازاقستاندىقتار ءبىرىنشى بولىپ گول سوقتى، 11-مينۋتتا شىڭعىس ەسەنامانوۆ قاقپانى ءدال كوزدەدى. پورتۋگاليالىق زيكا تە 21-ءشى مينۋتتا ەسەپتى تەڭەستىردى. داۋرەن تۇرساعۇلوۆتىڭ 40-مينۋتتا سوققان گولى قازاقستاندىقتارعا جەڭىس سىيلادى.
ناتيجەسىندە قازاقستان شيرەك فينالعا ءوتتى، ەندى 30 قىركۇيەكتە تاشكەنتتە 1/8 فينالدا وينايتىن ارگەنتينا – حورۆاتيا ماتچىنىڭ جەڭىمپازىمەن كەزدەسەدى، ولار 27 قىركۇيەكتە وينايدى.
ءار توپتان جوعارى ۇپاي جيناعان ەكى كوماندا، سونداي-اق ءۇشىنشى ورىن العانداردىڭ اراسىنان ءتورت ۇزدىك كوماندا پلەي-وفف كەزەڭىنە ءوتتى.
ەستەرىڭىزگە سالا كەتەيىك، پورتۋگاليا 2021 جىلعى الەم چەمپيونى بولدى.
