ءماجىلىس دەپۋتاتى گۇلدارا نۇرىموۆا جۇرگىزۋشى كۋالىگىن بەرۋ ءتارتىبىن قاتايتۋدى ۇسىندى. ول جۇرگىزۋشى كۋالىگىن بەرۋ ەرەجەلەرىنە قويىلاتىن تالاپتاردى كۇشەيتۋ قاجەتتىگى تۋرالى پرەمەر-ءمينيستردىڭ ورىنباسارى رومان سكليارعا دەپۋتاتتىق ساۋال جولدادى، دەپ حابارلايدى “ادىرنا” ۇلتتىق پورتالى.
"ەلىمىزدە جىل سايىن 13 مىڭنان اساجول اپاتى تىركەلەدى، وندا ەكى مىڭنان استام ادام قازا تاۋىپ، 18 مىڭنان استام ادام جاراقات الادى. اپاتتىق كورسەتكىشتەردىڭ جىل سايىنعى ءوسۋى الاڭداتارلىق ءۇردىس. بيىل جكو سانى توعىز پايىزعا ءوسىپ، 21 پايىزعا كوپ ادام قازا تاپتى", - دەدى دەپۋتات ءماجىلىس وتىرىسىندا.
نۇرىموۆا تەوريالىق جانە پراكتيكالىق ەمتيحانداردى وتكىزۋ بويىنشا تىركەۋ-ەمتيحان بولىمشەلەرىنىڭ (قر ىشكى ىستەر مينيسترلىگى) فۋنكتسيالارى 2019 جىلى "ازاماتتارعا ارنالعان ۇكىمەت" مەملەكەتتىك كورپوراتسياسىنا بەرىلگەنىن اتاپ ءوتتى.
"قازىر وقىتۋدى 747 وقۋ ورتالىعى جۇزەگە اسىرىپ جاتىر. وسى دەرەكتەردىڭ بارلىعى جۇرگىزۋشىلەردى دايارلاۋدىڭ وقۋ پروتسەسىنىڭ رەسمي تۇردە وتۋىنە اكەلدى. سەرتيفيكاتتاردى باسىپ شىعاراتىن ماتەريالدىق-تەحنيكالىق بازاسى جوق مەكتەپتەر سانى ءوستى", - دەدى ول.
دەپۋتات ۇسىنادى:
- جۇرگىزۋشى كۋالىگىن العاش العان جۇرگىزۋشىلەر ءۇشىن ونلاين جانە ءوزىن-ءوزى دايارلاۋ مۇمكىندىگىن الىپ تاستاۋ نەمەسە ەمتيحان تاپسىرۋ پروتسەسىنە قويىلاتىن تالاپتاردى كۇشەيتۋ.
- اۋدان ورتالىقتارىندا ەمتيحان تاپسىرۋعا مۇمكىندىك بەرۋدى ەسكەرە وتىرىپ، ارنايى حقكو-لاردا ەمتيحان قابىلداۋ ءتارتىبىن قايتا قاراۋ.
- جۇرگىزۋشىلەردى دايارلاۋدىڭ مەملەكەتتىك ستاندارتتارى مەن ەرەجەلەرىنە رەۆيزيا جۇرگىزۋ.
- ءوزىن-ءوزى رەتتەيتىن ۇيىمدار مەن كاسىپتىك بىرلەستىكتەردى، سونداي-اق "اتامەكەن" كاسىپكەرلەر پالاتاسىن تارتا وتىرىپ، اۆتومەكتەپتەردىڭ باقىلاۋى مەن جاۋاپكەرشىلىگىن ارتتىرۋ.
