قازاقستان رەسەيدىڭ «بايتەرەك» زىمىران جۇيەسى بويىنشا مىندەتتەمەلەرىن ورىنداۋ مەرزىمىن كەيىنگە قالدىرۋعا كەلىستى، دەپ حابارلايدى “ادىرنا” ۇلتتىق پورتالى قازتاگ اگەنتتىگىنە سىلتەپ.
«قوسىمشا قازاقستان رەسپۋبليكاسىنىڭ ۇكىمەتى مەن رەسەي فەدەراتسياسىنىڭ ۇكىمەتى اراسىنداعى «بايقوڭىر» عارىش ايلاعىندا «بايتەرەك» عارىش زىمىران كەشەنىن قۇرۋ تۋرالى 2004 جىلعى 22 جەلتوقسانداعى كەلىسىمگە وزگەرىستەر ەنگىزۋ تۋرالى حاتتامانىڭ جوباسى بەكىتىلسىن»، - دەلىنگەن قازاقستان ۇكىمەتىنىڭ قاۋلىسىندا.
وسىلايشا، تۇزەتۋلەر جوباسىنا سايكەس، «بايتەرەك» عارىشتىق زىمىران كەشەنىنىڭ ورتاشا كلاستى زىمىران تاسىعىشىمەن ۇشۋ سىناقتارىنىڭ باستالۋى 2023 جىلدان 2025 جىلعا دەيىن، ال «سويۋز-5» زىمىران تاسىعىشىنىڭ كەمىندە ءۇش سىناق ۇشىرىلىمىنىڭ سوڭعى مەرزىمى وسى كۇننەن باستاپ اۋىستىرىلادى. «بايتەرەك» كەشەنى 2025 جىلدان 2027 جىلعا اۋىسادى.
«بايتەرەك» عارىش ايلاعىنان «سويۋز-5» زىمىران تاسىعىشىن پايدالانا وتىرىپ، وربيتاعا عارىش اپپاراتىن شىعارۋعا جانە ونىڭ ىقتيمال تۇرلەندىرۋلەرىنە، جىلىنا كەمىندە ءۇش ۇشىرۋ كولەمىندە تاپسىرىستاردى ورنالاستىرۋ 2025-2036 جىلدارى ەمەس، 2028 جىلدان 2039 جىلعا دەيىن قازاقستاندىق تاراپتىڭ «سويۋز-5» زىمىران تاسىعىشىن پايدالانا وتىرىپ، كەشەننەن وربيتاعا عارىش اپپاراتتارىن شىعارۋعا تاپسىرىستاردى ورنالاستىرۋ جانە قازاقستاننىڭ مەملەكەتتىك جوبالارىن ىسكە اسىرۋ شەڭبەرىندە ونىڭ ىقتيمال موديفيكاتسيالارى بويىنشا مىندەتتەمەلەرى دە ءتيىستى كەزەڭگە اۋىسۋدا.
سونداي-اق، رەداكتسيالىق سيپاتتاعى بىرقاتار تۇزەتۋلەر بار. بىراق ءبىر قىزىعى، كەلىسىمنىڭ 8-بابىنىڭ ب) تارماعىنىڭ رەداكتسياسى «بىرلەسكەن كاسىپورىندى كورپوراتيۆتىك تابىس سالىعىن تولەۋدەن بوساتۋ كۇنىنەن باستاپ 15 جىل مەرزىمگە وسى شارتقا قوسىمشادا كورسەتىلگەن جۇمىستاردى ورىنداۋدان (قىزمەت كورسەتۋدەن) الىنعان كىرىستەردى مەملەكەتتىك قابىلداۋ كوميسسياسىنىڭ «بايتەرەك» عارىش زىمىران كەشەنىن پايدالانۋعا قابىلداۋى تۋرالى» مىناداي تۇجىرىم جازىلعان: «بىرلەسكەن كاسىپورىندى "زەنيت-م" عارىش زىمىران كەشەنىن جالعا العان كۇننەن باستاپ جانە وسى كەلىسىمگە قوسىمشادا كورسەتىلگەن جۇمىستاردى ورىنداۋدان (قىزمەتتەر كورسەتۋدەن) الىناتىن كىرىستەر جونىندەگى مەملەكەتتىك قابىلداۋ كوميسسياسى "بايتەرەك" عارىش زىمىران كەشەنىن پايدالانۋعا قابىلداعان كۇننەن باستاپ 15 جىل وتكەنگە دەيىن كورپوراتيۆتىك تابىس سالىعىن تولەۋدەن بوساتىلسىن».
