Özbekstanda ötıp jatqan futzaldan älem chempionatynyŋ 1/8 finalynda Qazaqstan qūramasy Portugaliiany jeŋdı, dep habarlaidy “Adyrna” ūlttyq portaly.
Ändıjanda ötken kezdesu 2:1 esebımen aiaqtaldy.
Qazaqstandyqtar bırınşı bolyp gol soqty, 11-minutta Şyŋǧys Esenamanov qaqpany däl közdedı. Portugaliialyq Zika Te 21-şı minutta eseptı teŋestırdı. Däuren Tūrsaǧūlovtyŋ 40-minutta soqqan goly qazaqstandyqtarǧa jeŋıs syilady.
Nätijesınde Qazaqstan şirek finalǧa öttı, endı 30 qyrküiekte Taşkentte 1/8 finalda oinaityn Argentina – Horvatiia matchynyŋ jeŋımpazymen kezdesedı, olar 27 qyrküiekte oinaidy.
Är toptan joǧary ūpai jinaǧan ekı komanda, sondai-aq üşınşı oryn alǧandardyŋ arasynan tört üzdık komanda plei-off kezeŋıne öttı.
Esterıŋızge sala keteiık, Portugaliia 2021 jylǧy älem chempiony boldy.
