قازاقتىڭ سپورتتى سەرىك ەتكەن قوس ارۋى جەڭىس تۇعىرىنان قاتار كورىندى. پورتۋگاليادا وتكەن گران-پري تۋرنيرندا ابيبا ابۋجاقىنوۆا التىن الىپ، كۇمىس جۇلدەنى عاليا تىنباەۆا قانجىعالادى، دەپ سۇيىنشىلەيدى "ادىرنا" ۇلتتىق پورتالى.
پورتۋگاليانىڭ المادا قالاسىندا باستالعان "جۋدودان" الەمدىك گراند پري جارىسىندا 48 كيلوگرامم سالماق ولشەمىندە قازاق ەلىنىڭ قوس ارۋى فينالعا شىعىپ، ءابيبا ابۋجاقىنوۆا التىن، عاليا تىنىباەۆا كۇمىس مەدال ەنشىلەدى.
ءيسى قازاق ءۇشىن قۋانىشتى كۇن، جۇلدىزدى ساعات جايلى سپورت ءجۋرناليسى ايگەرىم توقسانبەك جازدى.
- جۇرەكتەر!
قۋان، قازاق!
قوس قىزىڭ الەمدىك گران-پري جارىسىنىڭ فينالىندا بەلدەستى. التىن دا، كۇمىس تە قازاقستان قورجىنىنا ءتۇستى.
بۇل تاريحي جەڭىس! تاريحي فينال! بۇعان دەيىن ءالى ەشكىم قازاقستان قىزدار قۇراماسىنان بۇلاي فينالدا بەلدەسكەن جوق.
پورتۋگاليا گران-پريىندەگى “قازاق فينالىندا” ابيبا ابۋجاقىنوۆا التىن السا، عاليا تىنباەۆا كۇمىس الدى. #KazJudoTeam ماۋسىمدى ءساتتى باستادى!.. 48 كگ سالماعىندا موڭعوليا، كورەيا، يتاليا، فرانتسيا، جاپونيانىڭ قىزدارى قوس-قوستان ويقاستايتىن. ەندى مىنە قازاق قىزدارى شىعىپ جاتىر. عاليا مەن ءابيبانىڭ جەڭىسى بۇنىمەن توقتاپ قالمايدى. ءالى تالاي بەلەستى ەڭسەرەدى! بيىل ءبىزدىڭ جىل بولماق! -دەدى جۋرناليست.
بۇرىمدىلاردىڭ بيىكتەردى باعىندىرعانىنا قۋانعان وقىرماندار:
"قازاق حالقىنىڭ قوس قارلىعاشى. جەڭىستەرىڭ قۇتتى بولسىن";
"ەكەۋى دە جۇرەكتەگى تۋىمىزعا بىردەي قۇرمەت كورسەتىپ، قازاقتىڭ قىزدارى ەكەنىن دالەلدەدى";
"ەكى بىردەي قازاقتىڭ كەزدەسكەنى دۇرىس ەمەس قوي. مەندە وسىنداي مۇمكىندىك بولسا، جەڭىستى قارسىلاسىما بەرە سالار ەدىم" دەپ جازدى وقىرماندار.
اقپار جازۋ بارىسىندا ۇلتتىق ارنا بەينەدەرەكتەرى پايدالانىلدى.
"ادىرنا" ۇلتتىق پورتالى
