Өзбекстанда өтіп жатқан футзалдан әлем чемпионатының 1/8 финалында Қазақстан құрамасы Португалияны жеңді, деп хабарлайды “Адырна” ұлттық порталы.
Әндіжанда өткен кездесу 2:1 есебімен аяқталды.
Қазақстандықтар бірінші болып гол соқты, 11-минутта Шыңғыс Есенаманов қақпаны дәл көздеді. Португалиялық Зика Те 21-ші минутта есепті теңестірді. Дәурен Тұрсағұловтың 40-минутта соққан голы қазақстандықтарға жеңіс сыйлады.
Нәтижесінде Қазақстан ширек финалға өтті, енді 30 қыркүйекте Ташкентте 1/8 финалда ойнайтын Аргентина – Хорватия матчының жеңімпазымен кездеседі, олар 27 қыркүйекте ойнайды.
Әр топтан жоғары ұпай жинаған екі команда, сондай-ақ үшінші орын алғандардың арасынан төрт үздік команда плей-офф кезеңіне өтті.
Естеріңізге сала кетейік, Португалия 2021 жылғы әлем чемпионы болды.
