دانيالىق ءوندىرۋشى Bavarian Nordic A/S كومپانياسىنىڭ MVA-BN ەكپەسى الدىن الا بىلىكتىلىكتەن وتكەن جانە مايمىل شەشەگىنە قارسى العاشقى ءدارى دەپ تانىلدى. بۇل تۋرالى دۇنيەجۇزىلىك دەنساۋلىق ساقتاۋ ۇيىمى ( ددسۇ) مالىمدەدى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، ەرەسەكتەرگە MVA-BN ۆاكتسيناسىنىڭ ەكى دوزاسىن ءتورت اپتا ارالىقپەن ەگۋ 82 پايىزدىق تيىمدىلىككە يە. ەكپەنىڭ قولجەتىمدىلىگى شەكتەۋلى بولعان كەزدە ددسۇ ءبىر دوزا قولدانۋدى ۇسىنادى، بۇل 76 پايىز ءتيىمدى.
«شەشەك اۋرۋىنا قارسى ەكپە – افريكاداعى قازىرگى ىندەت جاعدايىندا دا، بولاشاقتا دا وسى اۋرۋمەن كۇرەسۋدەگى ماڭىزدى قادام. ءبىز قازىر ەكپەلەردى ساتىپ الۋدى، دونورلىقتى جانە ورنالاستىرۋدى شۇعىل تۇردە كەڭەيتۋىمىز كەرەك. وسى ۆاكتسينالارعا وتە قاجەت جەردە تەڭ قولجەتىمدىلىكتى قامتاماسىز ەتۋىمىز كەرەك...»،- دەدى ددسۇ باسشىسى تەدروس گەبرەيەسۋس.
نارەستەلەر، جاس بالالار، جۇكتى ايەلدەر جانە يممۋندىق جۇيەسى السىرەگەن ادامدار ءۇشىن ۆاكتسينانى يممۋنيزاتسيانىڭ پايداسى ىقتيمال قاۋىپتەردەن اسىپ تۇسەتىن جاعدايلاردا قولدانۋعا بولادى.
