دەنساۋلىق ساقتاۋ ءمينيسترى الەكسەي تسوي ۆاكتسيناتسيانىڭ تولقۇجاتتارىن زاڭسىز ساتقاندار قاتاڭ جازالانادى دەپ سەندىردى، دەپ حابارلايدى "ادىرنا" ۇلتتىق پورتالى
"ۆاكتسيناتسيانىڭ جالعان تولقۇجاتتارىنا كەلەتىن بولساق، مۇنداي جاعداي بولعان. وسىنداي اقپارات العان بويدا مەن ءوزىم الماتى قالاسىنىڭ اكىمدىگىنە حابارلاستىم. تاڭەرتەڭ ءبىز بۇل ءىستى باقىلاۋعا الدىق، قاۋىپسىزدىك كۇشتەرىمەن جۇمىس جاسادىق. ولارزاڭسىز ىسپەن اينالىسقانداردى ۇستايدى", دەپ ەسكەرتتى الەكسەي تسوي.
ونىڭ ايتۋىنشا، وسىنداي جاعدايلار جانە الەۋمەتتىك جەلىلەر باقىلاناتىن بولادى.
ەگەر سىزدە وسىنداي جاعدايلار تۋرالى مالىمەتتەر بولسا، ءبىز قابىلداۋعا دايىنبىز. جاۋاپ وتە قاتال بولادى، دەپ سەندىردى مينيستر.
ول بارلىق مەديتسينالىق قىزمەتكەرلەرگە قىلمىستىق جاۋاپتىلىق تۋرالى ەسكەرتۋ جاسالعانىن قوستى.
"كەز-كەلگەن ازامات، دارىگەرلەر دە جانە جاقىن ماڭداعى كەز-كەلگەن ادام بۇل زاڭنىڭ وزگەرمەيتىندىگىن ءتۇسىنۋى كەرەك. بۇل انىق دالەلدەنگەن، ويتكەنى اقپاراتتىق جۇيەنىڭ ءار دوزاسى كورىنەدى. ال ەگەر بۇل ورىن السا، قىلمىستىق جازالار پايدا بولادى. مۇندا ءبىز جاعدايدى ەرەكشە باقىلاۋدا ۇستايمىز", دەپ ءتۇسىندىردى دەنساۋلىق ساقتاۋ مينيسترلىگىنىڭ باسشىسى.
بۇعان دەيىن الماتىدا ۆاكتسيناتسيا پاسپورتتارىن ازاماتتارعا ساتۋ قىزمەتىن ەكى جىلدان بەرى دەكرەتتىك دەمالىستا بولعان مەدبيكە ۇسىنعانى حابارلانعان بولاتىن.
ءاربىر ۆاكتسيناتسيالاۋ قۇجاتى ءۇشىن ول 15 مىڭ تەڭگە العاندىعى اتاپ ءوتىلدى. بۇگىنگى كۇنى پوليتسيا قىلمىستىق ءىس قوزعادى، قالالىق مەديتسينالىق ۇيىمداردىڭ بارلىق اقپاراتتىق جۇيەلەرى تەكسەرىلىپ جاتىر، قوعامدىق دەنساۋلىق ساقتاۋ دەپارتامەنتىنىڭ وزىندە قىزمەتتىك تەرگەۋ باستالدى.
"ادىرنا" ۇلتتىق پورتالى
