Danııalyq óndirýshi Bavarian Nordic A/S kompanııasynyń MVA-BN ekpesi aldyn ala biliktilikten ótken jáne maımyl sheshegine qarsy alǵashqy dári dep tanyldy. Bul týraly Dúnıejúzilik densaýlyq saqtaý uıymy ( DDSU) málimdedi, dep habarlaıdy “Adyrna” ulttyq portaly.
Aqparatqa sáıkes, eresekterge MVA-BN vakınasynyń eki dozasyn tórt apta aralyqpen egý 82 paıyzdyq tıimdilikke ıe. Ekpeniń qoljetimdiligi shekteýli bolǵan kezde DDSU bir doza qoldanýdy usynady, bul 76 paıyz tıimdi.
«Sheshek aýrýyna qarsy ekpe – Afrıkadaǵy qazirgi indet jaǵdaıynda da, bolashaqta da osy aýrýmen kúresýdegi mańyzdy qadam. Biz qazir ekpelerdi satyp alýdy, donorlyqty jáne ornalastyrýdy shuǵyl túrde keńeıtýimiz kerek. Osy vakınalarǵa óte qajet jerde teń qoljetimdilikti qamtamasyz etýimiz kerek...»,- dedi DDSU basshysy Tedros Gebreıesýs.
Náresteler, jas balalar, júkti áıelder jáne ımmýndyq júıesi álsiregen adamdar úshin vakınany ımmýnızaııanyń paıdasy yqtımal qaýipterden asyp túsetin jaǵdaılarda qoldanýǵa bolady.
