مەملەكەت باسشىسى ۇلتتىق قاۋىپسىزدىك كوميتەتىنىڭ بۇرىنعى باسشىسى ماسىموۆكە راقىمشىلىق جاساۋدان باس تارتتى، دەپ حابارلايدى "ادىرنا" ۇلتتىق پورتالى.
كارىم ءماسىموۆ مەملەكەتكە وپاسىزدىق جاسادى جانە بيلىكتى باسىپ الماق بولدى دەگەن ايىپپەن سوتتالعان.
ءماسىموۆتىڭ 27 ماۋسىمداعى كەشىرىم جاساۋ تۋرالى ءوتىنىشى قازاقستان رەسپۋبليكاسى پرەزيدەنتى جانىنداعى كەشىرىم جاساۋ ماسەلەلەرى جونىندەگى كوميسسيادا قارالدى.
"ماسىموۆكە كەشىرىم جاساۋ اكتىسىن قولدانۋ مۇمكىندىگىن زەردەلەۋ ناتيجەلەرى بويىنشا كوميسسيا مەملەكەت باسشىسىنا ءتيىستى ۇسىنىس ەنگىزىپ، ول كەلىستى", – دەلىنگەن پرەزيدەنت اكىمشىلىگىنىڭ جاۋابىندا.
كارىم ءماسىموۆ 2022 جىلعى قاڭتار وقيعاسى كەزىندە قولعا تۇسكەن. وعان قاتىستى قىلمىستىق ءىس "وتە قۇپيا" دەپ تانىلدى.
ول 2023 جىلدىڭ ءساۋىر ايىنىڭ سوڭىندا استانا سوتىنىڭ شەشىمىمەن "مەملەكەتكە وپاسىزدىق جاسادى، بيلىكتى كۇشپەن باسىپ الۋعا ارەكەتتەندى، بيلىكتى جانە لاۋازىمدىق وكىلەتتىكتى اسىرا پايدالاندى" دەگەن ايىپپەن 18 جىلعا باس بوستاندىعىنان ايىرىلدى.
