پرەزيدەنت قاسىم-جومارت توقاەۆ دۇنيەجۇزىلىك كەدەن ۇيىمىنىڭ باس حاتشىسى يەن سوندەرسپەن كەزدەستى، دەپ حابارلايدى "ادىرنا" ءتىلشىسى.
كەزدەسۋدە قازاقستانداعى كەدەن زاڭناماسىن جەتىلدىرۋ جانە كەدەندىك اكىمشىلەندىرۋدىڭ تيىمدىلىگىن ارتتىرۋ ماسەلەلەرى تالقىلاندى.
مەملەكەت باسشىسى قازاقستاننىڭ ەۋرازياداعى كولىك بايلانىستارىن نىعايتۋعا جانە جۇك ترانزيتىنە قولايلى جاعداي جاساۋعا ايرىقشا ءمان بەرەتىنىن اتاپ ءوتتى. سونداي-اق ەلدە كەدەن راسىمدەرىن وڭتايلاندىرۋ ءۇشىن تسيفرلىق شەشىمدەر قولدانىلىپ، «اقىلدى شەكارا» مودەلىن دامىتۋ جۇمىستارى جالعاسىپ جاتقانىن ايتتى.
يەن سوندەرس دۇنيەجۇزىلىك كەدەن ۇيىمى مەن قازاقستان اراسىنداعى ىنتىماقتاستىقتىڭ ىلگەرىلەۋىن جوعارى باعالادى. ول كەدەندىك اكىمشىلەندىرۋدى جەتىلدىرۋ، زاماناۋي تسيفرلىق تەحنولوگيالاردى ەنگىزۋ جانە ءتيىستى ورگانداردىڭ ينستيتۋتسيونالدىق الەۋەتىن ارتتىرۋ باعىتتارىنداعى جۇمىستاردى اتاپ ءوتتى.
تاراپتار 30 جىلدان استام ۋاقىت بويى دامىپ كەلە جاتقان ءوزارا ءتيىمدى ىنتىماقتاستىقتى ودان ءارى نىعايتۋعا نيەتتى ەكەنىن راستادى.
سونىمەن قاتار الەمدىك ساۋداداعى جاڭا سىن-قاتەرلەر مەن ۇردىستەر جونىندە پىكىر الماستى. ورتالىق ازيانىڭ ساۋدا-ەكونوميكالىق بايلانىستارىن كەڭەيتۋ جانە ءوڭىردىڭ كولىك-لوگيستيكالىق الەۋەتىن ارتتىرۋ پەرسپەكتيۆالارىنا ەرەكشە نازار اۋدارىلدى.
