Memleket basshysy Ulttyq Qaýipsizdik komıtetiniń burynǵy basshysy Másimovke raqymshylyq jasaýdan bas tartty, dep habarlaıdy "Adyrna" ulttyq portaly.
Kárim Másimov memleketke opasyzdyq jasady jáne bılikti basyp almaq boldy degen aıyppen sottalǵan.
Másimovtiń 27 maýsymdaǵy keshirim jasaý týraly ótinishi Qazaqstan Respýblıkasy prezıdenti janyndaǵy Keshirim jasaý máseleleri jónindegi komıssııada qaraldy.
"Másimovke keshirim jasaý aktisin qoldaný múmkindigin zerdeleý nátıjeleri boıynsha komıssııa memleket basshysyna tıisti usynys engizip, ol kelisti", – delingen prezıdent ákimshiliginiń jaýabynda.
Kárim Másimov 2022 jylǵy qańtar oqıǵasy kezinde qolǵa túsken. Oǵan qatysty qylmystyq is "óte qupııa" dep tanyldy.
Ol 2023 jyldyń sáýir aıynyń sońynda Astana sotynyń sheshimimen "memleketke opasyzdyq jasady, bılikti kúshpen basyp alýǵa árekettendi, bılikti jáne laýazymdyq ókilettikti asyra paıdalandy" degen aıyppen 18 jylǵa bas bostandyǵynan aıyryldy.
