الماتىدا قازاق ءتىلىن "مامبەتتەردىڭ ءتىلى" دەگەن بويجەتكەن سوتتالدى، دەپ حابارلايدى "ادىرنا" ۇلتتىق پورتالى ۇلىسمەدياعا سىلتەپ.
الماتى سوتى 16 ساۋىردە الەۋمەتتىك جەلىدە ءتىل تۋرالى جاعىمسىز پىكىر بىلدىرگەن ازاماتتى 2 جىلعا باس بوستاندىعىنان ايىرعان.
بۇل وقيعا 2023 جىلدىڭ قازان ايىندا ورىن العان. ەلينا ليۋ ەسىمدى 21 جاستاعى تيك-توك قولدانۋشىسىنا تىكەلەي ەفيردە ونىڭ ۇلتى، ءدىنى تۋرالى سۇراق كەلىپ، بالاعات سوزدەردى پايدالانىپ، قازاق تىلىندە سويلەۋدى تالاپ ەتكەن وقىرمان بولعان. ارتىنشا ليۋ قازاق ءتىلىن ۇناتپايتىنىن ايتادى. بويجەتكەن قازاق ءتىلىن "اۋىلدان كەلگەن مامبەتتەر عانا سويلەيتىن بالاعات ءسوز" دەپ سانايتىنىن ايتقان.
ودان بولەك، ول الماتىداعى كەپتەلىستەرگە بايلانىستى سىرتتان كەلۋشىلەردى ۇناتپايتىنىن اشىق ايتادى.
شۋلى ەفيردىڭ جازباسى جەلىدە تاراپ، بويجەتكەن سىنعا ۇشىراپ، ارتىنشا قىلمىستىق ءىس قوزعالعان.
سوتتا بويجەتكەن مەملەكەتتىك ءتىلدى بىلمەگەندىكتەن جەلى قولدانۋشىلارى ونىڭ قازاقستاننان كەتۋىن تالاپ ەتكەنىن ايتقان. سول سەبەپتى ول ءوزىنىڭ "ارانداتۋشىلىققا بوي الدىرعانىن" مالىمدەپ، كىناسىن سوتتا مويىنداماعان.
تەك وسى ارەكەتى ارقىلى وزىنە جاعىمسىز پىكىر جازعانداردىڭ "نامىسىنا تيگىسى كەلگەنىن" ايتتى. ال "جاعىمسىز ءتىل" دەپ قازاق تىلىندەگى بالاعات سوزدەردى مەڭزەگەنىن ايتتى.
