Almatyda qazaq tilin "mámbetterdiń tili" degen boıjetken sottaldy, dep habarlaıdy "Adyrna" ulttyq portaly Ulysmedıaǵa siltep.
Almaty soty 16 sáýirde áleýmettik jelide til týraly jaǵymsyz pikir bildirgen azamatty 2 jylǵa bas bostandyǵynan aıyrǵan.
Bul oqıǵa 2023 jyldyń qazan aıynda oryn alǵan. Elına Lıý esimdi 21 jastaǵy Tık-Tok qoldanýshysyna tikeleı efırde onyń ulty, dini týraly suraq kelip, balaǵat sózderdi paıdalanyp, qazaq tilinde sóıleýdi talap etken oqyrman bolǵan. Artynsha Lıý qazaq tilin unatpaıtynyn aıtady. Boıjetken qazaq tilin "aýyldan kelgen mámbetter ǵana sóıleıtin balaǵat sóz" dep sanaıtynyn aıtqan.
Odan bólek, ol Almatydaǵy keptelisterge baılanysty syrttan kelýshilerdi unatpaıtynyn ashyq aıtady.
Shýly efırdiń jazbasy jelide tarap, boıjetken synǵa ushyrap, artynsha qylmystyq is qozǵalǵan.
Sotta boıjetken memlekettik tildi bilmegendikten jeli qoldanýshylary onyń Qazaqstannan ketýin talap etkenin aıtqan. Sol sebepti ol óziniń "arandatýshylyqqa boı aldyrǵanyn" málimdep, kinásin sotta moıyndamaǵan.
Tek osy áreketi arqyly ózine jaǵymsyz pikir jazǵandardyń "namysyna tıgisi kelgenin" aıtty. Al "jaǵymsyz til" dep qazaq tilindegi balaǵat sózderdi meńzegenin aıtty.
