Almatyda qazaq tılın "mämbetterdıŋ tılı" degen boijetken sottaldy, dep habarlaidy "Adyrna" ūlttyq portaly Ūlysmediaǧa sıltep.
Almaty soty 16 säuırde äleumettık jelıde tıl turaly jaǧymsyz pıkır bıldırgen azamatty 2 jylǧa bas bostandyǧynan aiyrǧan.
Būl oqiǧa 2023 jyldyŋ qazan aiynda oryn alǧan. Elina Liu esımdı 21 jastaǧy Tik-Tok qoldanuşysyna tıkelei efirde onyŋ ūlty, dını turaly sūraq kelıp, balaǧat sözderdı paidalanyp, qazaq tılınde söileudı talap etken oqyrman bolǧan. Artynşa Liu qazaq tılın ūnatpaitynyn aitady. Boijetken qazaq tılın "auyldan kelgen mämbetter ǧana söileitın balaǧat söz" dep sanaitynyn aitqan.
Odan bölek, ol Almatydaǧy keptelısterge bailanysty syrttan keluşılerdı ūnatpaitynyn aşyq aitady.
Şuly efirdıŋ jazbasy jelıde tarap, boijetken synǧa ūşyrap, artynşa qylmystyq ıs qozǧalǧan.
Sotta boijetken memlekettık tıldı bılmegendıkten jelı qoldanuşylary onyŋ Qazaqstannan ketuın talap etkenın aitqan. Sol sebeptı ol özınıŋ "arandatuşylyqqa boi aldyrǧanyn" mälımdep, kınäsın sotta moiyndamaǧan.
Tek osy äreketı arqyly özıne jaǧymsyz pıkır jazǧandardyŋ "namysyna tigısı kelgenın" aitty. Al "jaǧymsyz tıl" dep qazaq tılındegı balaǧat sözderdı meŋzegenın aitty.
Ūqsas jaŋalyqtar
