يرينا تەن: قازاقشا ءبىلىپ تۇرسا دا، ادەيى سويلەمەيتىندەر - بولەك اڭگىمە

3175
Adyrna.kz Telegram

جۋرناليست، تەلەجۇرگىزۋشى يرينا تەن قازاق ءتىلىنىڭ قامىن ويلاپ، وقىرماندارى ءۇشىن الەۋمەتتىك جەلىدە ارنايى جازبا قالدىردى، دەپ جازادى "ادىرنا" ۇلتتىق پورتالى. 

- كەشىرىڭىز، بىراق قازاقشا سويلەمەيتىندەردى تۇسىنەمىن. شىن، قيىن شىعار. جاڭا نارسە ۇيرەنۋ ءۇشىن ميدى كادىمگىدەي قيمىلداتۋ كەرەك قوي. تۇسىنبەيتىن تىلدە اقپارات العان تازا سترەسس ەمەس پا؟ ونىڭ ۇستىنە بىلمەي تۇرعانىڭدى ۇيرەتپەيتىن، ايتقىڭ كەلگەن نارسەڭدى تۇسىنبەيتىن، تىرىسپايتىن، قاتەڭدى كەشىرمەيتىن ادامدار تاعى بار. قازاقشا ءبىلىپ تۇرسا دا، ادەيى سويلەمەيتىندەر - ءتىپتى بولەك اڭگىمە. كينولار ورىسشا، YouTube ورىسشا (قازاق تىلىندەگى ساپالى كونتەنت وتە از), جان-جاقتاعى ادامدار ورىسشا سويلەيدى. ءتىپتى قازاق تىلدىلەردىڭ وزدەرى ءسوز اراسىنا قوساتىن “كونەچنو، داۆاي، چيو تام، براتان ت.ب» وسىنداي سوزدەرسىز بولمايتىن سياقتى.

يرينا تەن 1992 جىلى قىزىلوردا وبلىسى، ارال اۋدانىندا دۇنيەگە كەلگەن. قازاق ءتىلىن جەتىك مەڭگەرۋىنە جانىنداعى دوستارى مەن ۇستازدارى ىقپال ەتكەن. ءسوز سوڭىندا اۆتور ءوز ويىن:

- دوستار، ودان دا تازا، ادەمى سويلەۋگە، ساۋاتتى جازۋعا تىرىسايىقشى؟ ءوز ءوزىمىزدى قولعا الىپ، وزگەلەردى قىزىقتىرايىق. كەلىستىك پە؟ قازاق ءتىلىن ۇيرەنىپ جۇرگەندەرگە “سويلەي الماساڭ دا سويلە، سولاي ۇيرەنەسىڭ” دەپ ايتايىق. ءبىر-بىرىمىزگە قولداۋ كورسەتسەك كۇشتى بولار ەدى، - دەپ ساباقتادى.

پىكىرلەر