سۇلتان ىبىراي: گۇلباھرام تاراباەۆا - مەديتسينا عىلىمىنىڭ دوكتورى اتاعىن العان تۇڭعىش قازاق قىزى

675
Adyrna.kz Telegram

تاراباەۆا گۇلباھرام يمامبەكقىزى مەديتسينا عىلىمىنىڭ دوكتورى اتاعىن العان تۇڭعىش قازاق قىزى.

ءاليحان بوكەيحان ءبىر ماقالاسىندا ماقتاپ جازعان ەگىنشى تارابايدىڭ ۇرپاعى.

جۋساندى (دەرمەنە، ەرمەن) ەمدىك ماقساتتا قولدانعان.

تاراباەۆا گۇلباھرام يمامبەكقىزى قازىرگى اقتوعاي اۋدانى، قاراعاندى وبلىسىندا 1908 جىلى 4-ءشى قازاندا تۋعان. 1925 جىلى قارقارالىدا 2-ءشى دارەجەلى مەكتەپتى بىتىرەدى. 1926 جىلدارىنىڭ كۇزىندە گۇلباھرام يمامبەكقىزى تاشكەنتتەگى «ورتا ازيا» ۋنيۆەرسيتەتىندەگى مەديتسينا فاكۋلتەتىنە وقۋعا تۇسەدى. 1931 جىلى ورتا ازيا ۋنيۆەرسيتەتىن بىتىرگەن.

1932-1966 جىلىندا قاراعاندى، لەنينوگورسك، الماتى قالالارىنىڭ ەمدەۋ مەكەمەلەرىندە دارىگەر، قازكسرعا-نىڭ ولكەلىك پاتولوگيا عىلىمي-زەرتەۋ ينستيتۋتىندا (1963 جىلدان قازكسر دەنساۋلىق ساقتاۋ مينيسترلىگىنىڭ قاراماعىندا) ەڭبەك گيگيەناسى جانە كاسىبي اۋرۋلار سەكتورىنىڭ مەڭگەرۋشىسى، اعا عىلىمي قىزمەتكەرى، توكسيكولوگيا زەرتحاناسىن باسقاردى.

1966-1981 جىلدارىندا وسى اكادەميانىڭ تاۋ-كەن ينستيتۋتىندا اعا عىلىمي قىزمەتكەرى، عىلىمي كونسۋلتانت بولدى.

نەگىزگى عىلىمي ەڭبەكتەرى كاسىبي اۋرۋلارعا ارنالعان. تاراباەۆا ەندوكريندىك بەزدەردە سيليكوز (قورعاسىننان ۋلانۋ) كەزىندە تۋاتىن وزگەرىستەرگە سيپاتتاما بەرىپ، بۇل اۋرۋدان ساقتانۋ شارالارىن، دەرمەنە پرەپاراتىن قولدانۋ تاسىلدەرىن ۇسىندى. گ.ي. تاراباەۆانىڭ «ادام اعزاسىنا مىرىشتىڭ اسەر ەتۋى جانە ەمدىك قاسيەتتەرى» مونوگرافيالىق اتتى كىتابى جارىق كوردى. دوكتورلىق ديسسەرتاتسيانى قورعاپ شىققان.

تاراباەۆا گۇلباھرام يمامبەكقىزى مەديتسينا عىلىمىنىڭ دوكتورى اتاعىن العان تۇڭعىش قازاق قىزى بولدى.

 

Sultan Ybyrai

 

 

 

پىكىرلەر