اتىراۋ وبلىسىنىڭ جۇرتشىلىعىمەن كەزدەسكەن قاسىم-جومارت توقاەۆ "ەلىمىزدە ەسكەرتكىشتەر قويا بەرگەننەن گورى، سپورت نىساندارىن كوبەيتۋ" كەرەكتىگىن مالىمدەدى، دەپ جازادى "ادىرنا" ۇلتتىق پورتالى.
“وڭىردەگى كوپتەگەن سپورت نىسانىنا جوندەۋ جۇرگىزۋ قاجەت. سونىمەن بىرگە رەسپۋبليكالىق جانە حالىقارالىق جارىستار وتكىزەتىن جاڭا سپورت كەشەندەرىن سالۋ كەرەك. جالپى، كوپ شىعىندى تالاپ ەتپەيتىن سپورت تۇرلەرىن دامىتقان ءجون. مىسالى، شاحمات، ۇستەل تەننيسى، توعىزقۇمالاق، ساداق اتۋ، قازاقشا كۇرەس، تاعى باسقا. تاعى ءبىر ايتايىن دەگەنىم، ەسكەرتكىشتەر قويا بەرگەننەن گورى، سپورت جانە مەديتسينا نىساندارىن سالۋعا باسا نازار اۋدارۋ قاجەت. بۇل اتىراۋ وبلىسىنا عانا ەمەس، بۇكىل ەلىمىزگە قاتىستى ماسەلە", - دەدى توقاەۆ.
"ادىرنا" ۇلتتىق پورتالى
