بۇگىن، 12 ساۋىردە الماتىدا پرەزيدەنت رەزيدەنتسياسىنا شابۋىل جاساعاندارعا قاتىستى سوت قايتا جانداندى. 11 ادام قاڭتار كەزىندە "جاپپاي تارتىپسىزدىككە قاتىستى", "بيلىك وكىلىنە كۇش كورسەتتى" جانە "عيماراتقا شابۋىل جاسادى" دەپ ايىپتالىپ وتىر، دەپ حابارلايدى «ادىرنا» ءتىلشىسى ازاتتىققا سىلتەمە جاساپ.
بۇعان دەيىن ايىپتالۋشىلار تەرگەۋ وبەكتيۆتى جۇرمەگەنىنە شاعىمدانعان ەدى. ولار تەرگەۋ اباقتىسىندا ازاپتالعانىن دا مالىمدەگەن. ايىپتالۋشىلار بۇل تۋرالى ارىز جازعان، بىراق دالەل جوق دەگەن ۋاجبەن ءىس جابىلعان.
ءجارىسسوز كەزىندە پروكۋرور ايىپتالۋشىلارعا تومەندەگىدەي جازا سۇرادى:
1. سەرىك كەكىلباەۆ ماتايۇلى، "جاپپاي تارتىپسىزدىك", "عيماراتقا باسىپ كىرۋ", "بيلىك وكىلىنە كۇش قولدانۋ" بويىنشا ايىپ تاعىلعان - 11 جىل تۇرمە جازاسى;
2. تۇرسىنباي الپىسباەۆ باۋىرجانۇلى، "جاپپاي تارتىپسىزدىك", "عيماراتقا باسىپ كىرۋ", "بيلىك وكىلىنە كۇش قولدانۋ" بويىنشا ايىپ تاعىلعان - 10 جىل تۇرمە جازاسى;
3. اقجول جانداربەكوۆ سمايىلۇلى، "جاپپاي تارتىپسىزدىك", "عيماراتقا باسىپ كىرۋ", "بيلىك وكىلىنە كۇش قولدانۋ", "ادامدى كەپىلگە الۋ" بويىنشا ايىپ تاعىلعان - 12 جىل تۇرمە جازاسى;
4. نۇرتاس كارانەەۆ سەيىتمۇحامەتۇلى، "جاپپاي تارتىپسىزدىك", "عيماراتقا باسىپ كىرۋ" بويىنشا ايىپ تاعىلعان - 10 جىل تۇرمە جازاسى;
5. رىسبەك مامىروۆ جۇنىسبەكۇلى، "جاپپاي تارتىپسىزدىك", "عيماراتقا باسىپ كىرۋ" بويىنشا ايىپ تاعىلعان - 10 جىل تۇرمە جازاسى;
6. قوساي ماحانباەۆ كارىمگاليۇلى، "جاپپاي تارتىپسىزدىك", "عيماراتقا باسىپ كىرۋ" بويىنشا ايىپ تاعىلعان - 10 جىل تۇرمە جازاسى;
7. ءابيدوللا تاۋباي، "جاپپاي تارتىپسىزدىك", "عيماراتقا باسىپ كىرۋ" بويىنشا ايىپ تاعىلعان - 10 جىل تۇرمە جازاسى;
8. ارمان الىمبەكوۆ ءاشىرالىۇلى، "جاپپاي تارتىپسىزدىك", "عيماراتقا باسىپ كىرۋ" بويىنشا ايىپ تاعىلعان - 10 جىل تۇرمە جازاسى;
9. نۇرسۇلتان بايكىسيەۆ سۇبحانۇلى، "جاپپاي تارتىپسىزدىك", "عيماراتقا باسىپ كىرۋ" بويىنشا ايىپ تاعىلعان - 10 جىل تۇرمە جازاسى;
10. داۋرەن باكيەۆ ماراتۇلى، "جاپپاي تارتىپسىزدىك", "عيماراتقا باسىپ كىرۋ" بويىنشا ايىپ تاعىلعان - 10 جىل تۇرمە جازاسى;
11. سەرىكبول ورىنعازى ورىنبايۇلى، "جاپپاي تارتىپسىزدىك", "عيماراتقا باسىپ كىرۋ" بويىنشا ايىپ تاعىلعان - 10 جىل تۇرمە جازاسى;
پروكۋروردىڭ سوزىنشە، 11 ادامنىڭ 9-ى تاعىلعان ايىپتى ءىشىنارا مويىنداعان. قالعان ەكەۋى — نۇرتاس قارانەەۆ پەن سەرىك كەكىلباەۆ ايىپتى مويىنداماعان.
ايىپتالۋشىلاردىڭ ءبىرى اقجول جانداربەكوۆ تەرگەۋ يزولياتورىندا قاماۋدا وتىر. قوساي ماحانباەۆ ۇيقاماقتا. قالعان 9 ادام بوستاندىقتا.
"پرەزيدەنت رەزيدەنتسياسىنا شابۋىل جاسادى" دەپ ايىپتالعاندار ىشىندە بەلسەندى قوساي ماحانباەۆ بار. ماحانباەۆ – قاڭتار وقيعاسىندا ۇستالىپ، الماتىداعى تەرگەۋ يزولياتورىندا ازاپتالعانداردىڭ ءبىرى. ونى الماتىداعى دۇربەلەڭ كەزىندە وق ءتيىپ، اۋرۋحانادا جاتقان جەرىنەن پوليتسيا الىپ كەتكەن. 2022 جىلى قازان ايىندا الماتى پروكۋراتۋراسى قوساي ماحانباەۆتى ازاپتاۋ ءىسى بويىنشا پوليتسيا قىزمەتكەرلەرى ۇستىنەن تۇسىرگەن شاعىمىن جاپقانى بەلگىلى بولدى.
2022 جىلى 5 قاڭتاردا الماتىنىڭ ورتالىق الاڭىنداعى نارازىلىق دۇربەلەڭگە ۇلاسىپ، قالا اكىمدىگى مەن پرەزيدەنتتىڭ رەزيدەنتسياسى قاتتى بۇلىنگەن. باس پروكۋراتۋرا الماتى اكىمدىگى مەن پرەزيدەنت رەزيدەنتسياسىن باسىپ الۋعا مىڭعا جۋىق ادام قاتىسقانىن ايتقان.
