2023 جىلدىڭ 8 ايىندا شامامەن 6,8 ملن اكىمشىلىك قۇقىق بۇزۋشىلىق تىركەلگەن. بۇل تۋرالى باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ كوميتەتى جاريالادى، دەپ حابارلايدى «ادىرنا» ۇلتتىق پورتالى.
«5,5 ملن قۇقىق بۇزۋشىعا 128,2 ملرد تەڭگە كولەمىندە ايىپپۇل سالىنىپ، ونىڭ 88,3 ملرد تەڭگەسى ءوندىرىلدى. ءوز كەزەگىندە ايىپپۇلداردىڭ باسىم بولىگى نەمەسە 4,6 ملن ايىپپۇل العاشقى 7 تاۋلىك ىشىندە 44,1 ملرد تەڭگە سوماسىنا 50% جەڭىلدىكپەن تولەندى. اعىمداعى جىلدىڭ وتكەن كەزەڭىندە اكىمشىلىك ايىپپۇلداردى ءوندىرىپ الۋ كورسەتكىشى 68,8% قۇرادى»، – دەلىنگەن حابارلامادا.
ەڭ كوپ ايىپپۇل سالىنعان قالالار:
الماتىدا – 16,8 ملرد تەڭگە سوماسىنا 1 ملن قۇقىق بۇزۋشىلىق، 12,7 ملرد تەڭگە تولەندى.
استانادا – 12,7 ملرد تەڭگە سوماسىنا 800 مىڭ قۇقىق بۇزۋشىلىق، 8,6 ملرد تەڭگە تولەندى.
ەڭ از پاۆلودار وبلىسىندا 11,8 ملرد تەڭگە سوماسىنا 92 مىڭ ايىپپۇل سالىنعان، ونىڭ 11,3 ملرد تەڭگەسى تولەنگەن.
بارلىق اكىمشىلىك قۇقىقبۇزۋشىلىقتاردىڭ 95%-ىن ىشكى ىستەر ورگاندارى انىقتاعان.
ىشكى ىستەر ورگاندارى 5,3 ملن قۇقىق بۇزۋشىعا شامامەن 68,4 ملرد تەڭگە كولەمىندە ايىپپۇل سالعان، ونىڭ ىشىندە مەملەكەت بيۋدجەتىنە 51,7 ملرد تەڭگە تۇسكەن.
ايىپپۇلداردىڭ نەگىزگى بولىگىن فوتو-بەينەتىركەۋ كامەرالارىمەن تىركەلگەن قۇقىق بۇزۋشىلىقتار قۇرادى، ولار بويىنشا 38,1 ملرد تەڭگە سوماسىنا 3,4 ملن استام ۇيعارىم شىعارىلدى.
«ادىرنا» ۇلتتىق پورتالى.
