پرەزيدەنت سايلاۋى: الماتى دا ناۋقان كۇنى 54 ينۆاتاكسي قىزمەت ەتەدى

856
Adyrna.kz Telegram

قازاقستان پرەزيدەنتىنىڭ كەزەكتەن تىس سايلاۋى 20 قاراشادا وتەدى. قاسىم-جومارت توقاەۆ جارلىققا قول قويدى، بۇگىنگە وڭىرلەردە ساياسي ناۋقانعا دايىندىق پىسىقتالۋ ۇستىندە، دەپ حابارلايدى» ادىرنا» ءتىلىسىشى.

ساناۋلى كۇننەن كەيىن وتەتىن بۇل سايلاۋدىڭ ءجونى بولەك، جولى باسقا. ەل اۋماعىندا ناۋقانعا دەگەن دايىندىق قىزۋ. ەل ءۇشىن ماڭىزدى كۇنى داۋىس بەرۋ قۇقىعى بار جاننىڭ سايلاۋدان قالىس قالماۋىنا بار مۇمكىندىك قاراستىرىلۋدا. اسىرەسە، مۇمكىندىگى شەكتەۋلى جاندار ءۇشىن ارنايى جاعداي جاسالماق.

ماسەلەن،  الماتى قالاسىندا سايلاۋ قۇقىعى بار مۇمكىندىگى شەكتەۋلى 43 000-نان استام ادام تۇرادى. سونىڭ ىشىندە 6209 ادامعا داۋىس بەرۋ كەزىندە قولايلى جاعداي جاساۋدى قاجەت ەتەدى.

«بارلىق سايلاۋ ۋچاسكەلەرىندە مۇمكىندىگى شەكتەۋلى جاندار ءۇشىن قولجەتىمدىلىك قامتاماسىز ەتىلگەن. بارلىق سايلاۋ ۋچاسكەلەرى ءبىرىنشى قاباتتاردا ورنالاسقان، پاندۋستار مەن تاكتيلدى كورسەتكىشتەر بار. بۇدان باسقا، سايلاۋ ۋچاسكەلەرىندە جاسىرىن داۋىس بەرۋگە ارنالعان ارنايى كابينالار، سونداي-اق مۇمكىندىگى شەكتەۋلى ازاماتتار ءۇشىن بەيىمدەلگەن فورماتتا مونيتورى بار كومپيۋتەرلەر قاراستىرىلعان. سونداي-اق داۋىس بەرۋ كۇنى 54 ينۆاتاكسي قىزمەت ەتەدى»، - دەپ جازىلعان ورتالىق سايلاۋ كوميسسياسى تاراتقان حابارلامادا.

پىكىرلەر
ۇقساس جاڭالىقتار
Серіктестер/Партнеры
Студия IMA - создание сайтов Доставка цветов Астана - Lova Buket