الماتى قالاسىنىڭ اكىمى دارحان ساتىبالدى Telegram مەسسەندجەرىنىڭ نەگىزىن قالاۋشى پاۆەل دۋروۆپەن كەزدەستى، دەپ حابارلايدى "ادىرنا" ۇلتتىق پورتالى قالالىق اكىمدىككە سىلتەپ.
كەزدەسۋدە تاراپتار الماتىدا جاساندى ينتەللەكت زەرتحاناسىن (AI-زەرتحانا) قۇرۋ مۇمكىندىگىن، تەحنيكالىق جانە IT باعىتتارىندا دارىندى جاستاردى دايارلايتىن مامانداندىرىلعان ينتەرنات اشۋ جوباسىن تالقىلادى.
بۇدان بولەك، جاساندى ينتەللەكتتى ءبىلىم بەرۋ جۇيەسىنە ەنگىزۋ جونىندەگى بىرلەسكەن باستامالار ءسوز بولدى.
پاۆەل دۋروۆ قازاقستانمەن سەرىكتەستىكتى دامىتۋعا مۇددەلى ەكەنىن ايتىپ، ەلىمىزدىڭ تسيفرلىق تەحنولوگيالار سالاسىنداعى زور الەۋەتىن اتاپ ءوتتى.
"پاۆەل دۋروۆ قازاقستانمەن سەرىكتەستىكتى دامىتۋعا نيەت ءبىلدىرىپ، ەلىمىزدىڭ تسيفرلىق تەحنولوگيا سالاسىندا زور الەۋەتكە يە ەكەنىن اتادى. سونىمەن قاتار ول قازاقستاندىق مادەنيەتتىڭ جانىنا جاقىن ەكەنىن جانە الماتى قالاسىن ەرەكشە ۇناتاتىنىن ايتتى", - دەلىنگەن اكىمدىك حابارلاماسىندا.
ايتا كەتەيىك، پاۆەل دۋروۆتىڭ كولسايعا شومىلعان ءساتى تۋرالى اقپارات تاراعان.
