الماتىدا ەكى ستۋدەنت قىزدى قالىڭدىق رەتىندە الىپ قاشۋعا تىرىسقان. وقيعا جايىندا پوليتسيا تۇسىنىكتەمە بەردى، دەپ حابارلايدى “ادىرنا” ۇلتتىق پورتالى.
الەۋمەتتىك جەلىلەردەن 5 تامىز كۇنى تۇستەن كەيىن الماتى جوعارى وقۋ ورىندارىنىڭ ءبىرىنىڭ ەكى ستۋدەنتى جاتاقحانادان شىققانى بەلگىلى بولدى. ءۇش جىگىت ولارعا سارىاعاشقا اپارىپ، ۇيلەنەتىنىن ايتىپ، كولىككە كۇشتەپ وتىرعىزباق بولعان. قىزدار اياعى مەن قولىنان جاراقات العانىنا قاراماستان، قاشىپ ۇلگەردى. ارتىنشا دەرەۋ پوليتسيا شاقىرىپ، كۇدىكتىلەر ۇستالعان. بىراق، كوپ ۇزاماي پوليتسيا ولاردى بوساتقان.
پوليتسيانىڭ اقپاراتىنشا، قىزدار ارىز جازۋدان باس تارتقان.
"الماتى قالاسىنىڭ پوليتسيا دەپارتامەنتى بۇل فاكت بويىنشا مەدەۋ اۋدانىنىڭ پوليتسيا باسقارماسى تەكسەرۋ جۇرگىزگەنىن حابارلايدى. ءىس جۇرگىزۋ بارىسىندا وقىس وقيعاعا قاتىسۋشىلاردان ءوز تانىستارىنا قاتىستى شارا قولدانباۋ جانە ولارعا نارازىلىقتىڭ بولماۋى تۋرالى ءوتىنىش كەلىپ ءتۇستى",-دەپ ءتۇسىندىردى الماتى پوليتسيا دەپارتامەنتىنىڭ ءباسپاسوز قىزمەتى.
