Bügın, 12 säuırde Almatyda prezident rezidensiiasyna şabuyl jasaǧandarǧa qatysty sot qaita jandandy. 11 adam Qaŋtar kezınde "jappai tärtıpsızdıkke qatysty", "bilık ökılıne küş körsettı" jäne "ǧimaratqa şabuyl jasady" dep aiyptalyp otyr, dep habarlaidy «Adyrna» tılşısı Azattyqqa sılteme jasap.
Būǧan deiın aiyptaluşylar tergeu obektivtı jürmegenıne şaǧymdanǧan edı. Olar tergeu abaqtysynda azaptalǧanyn da mälımdegen. Aiyptaluşylar būl turaly aryz jazǧan, bıraq dälel joq degen uäjben ıs jabylǧan.
Jaryssöz kezınde prokuror aiyptaluşylarǧa tömendegıdei jaza sūrady:
1. Serık Kekılbaev Mataiūly, "jappai tärtıpsızdık", "ǧimaratqa basyp kıru", "bilık ökılıne küş qoldanu" boiynşa aiyp taǧylǧan - 11 jyl türme jazasy; 2. Tūrsynbai Alpysbaev Bauyrjanūly, "jappai tärtıpsızdık", "ǧimaratqa basyp kıru", "bilık ökılıne küş qoldanu" boiynşa aiyp taǧylǧan - 10 jyl türme jazasy; 3. Aqjol Jandarbekov Smaiylūly, "jappai tärtıpsızdık", "ǧimaratqa basyp kıru", "bilık ökılıne küş qoldanu", "adamdy kepılge alu" boiynşa aiyp taǧylǧan - 12 jyl türme jazasy; 4. Nūrtas Karaneev Seiıtmūhametūly, "jappai tärtıpsızdık", "ǧimaratqa basyp kıru" boiynşa aiyp taǧylǧan - 10 jyl türme jazasy; 5. Rysbek Mamyrov Jünısbekūly, "jappai tärtıpsızdık", "ǧimaratqa basyp kıru" boiynşa aiyp taǧylǧan - 10 jyl türme jazasy; 6. Qosai Mahanbaev Kärımgaliūly, "jappai tärtıpsızdık", "ǧimaratqa basyp kıru" boiynşa aiyp taǧylǧan - 10 jyl türme jazasy; 7. Äbidolla Taubai, "jappai tärtıpsızdık", "ǧimaratqa basyp kıru" boiynşa aiyp taǧylǧan - 10 jyl türme jazasy; 8. Arman Älımbekov Äşırälıūly, "jappai tärtıpsızdık", "ǧimaratqa basyp kıru" boiynşa aiyp taǧylǧan - 10 jyl türme jazasy; 9. Nūrsūltan Baikısiev Sūbhanūly, "jappai tärtıpsızdık", "ǧimaratqa basyp kıru" boiynşa aiyp taǧylǧan - 10 jyl türme jazasy; 10. Däuren Bakiev Maratūly, "jappai tärtıpsızdık", "ǧimaratqa basyp kıru" boiynşa aiyp taǧylǧan - 10 jyl türme jazasy; 11. Serıkbol Orynǧazy Orynbaiūly, "jappai tärtıpsızdık", "ǧimaratqa basyp kıru" boiynşa aiyp taǧylǧan - 10 jyl türme jazasy;Prokurordyŋ sözınşe, 11 adamnyŋ 9-y taǧylǧan aiypty ışınara moiyndaǧan. Qalǧan ekeuı — Nūrtas Qaraneev pen Serık Kekılbaev aiypty moiyndamaǧan.
Aiyptaluşylardyŋ bırı Aqjol Jandarbekov tergeu izoliatorynda qamauda otyr. Qosai Mahanbaev üiqamaqta. Qalǧan 9 adam bostandyqta.
"Prezident rezidensiiasyna şabuyl jasady" dep aiyptalǧandar ışınde belsendı Qosai Mahanbaev bar. Mahanbaev – Qaŋtar oqiǧasynda ūstalyp, Almatydaǧy tergeu izoliatorynda azaptalǧandardyŋ bırı. Ony Almatydaǧy dürbeleŋ kezınde oq tiıp, auruhanada jatqan jerınen polisiia alyp ketken. 2022 jyly qazan aiynda Almaty prokuraturasy Qosai Mahanbaevty azaptau ısı boiynşa polisiia qyzmetkerlerı üstınen tüsırgen şaǧymyn japqany belgılı boldy.
2022 jyly 5 qaŋtarda Almatynyŋ ortalyq alaŋyndaǧy narazylyq dürbeleŋge ūlasyp, qala äkımdıgı men prezidenttıŋ rezidensiiasy qatty bülıngen. Bas prokuratura Almaty äkımdıgı men prezident rezidensiiasyn basyp aluǧa myŋǧa juyq adam qatysqanyn aitqan.
