كاليفورنيا شتاتىنىڭ سۋ رەسۋرستارى دەپارتامەنتى قار ولشەمى تۋرالى سوڭعى قورىتىندىسىن جاريالادى. تاۋ شىڭدارىنداعى قار قالىڭدىعى ۇنەمى باقىلانادى. قار، جاۋىن - وسى شتاتتاعى سۋ رەزەرۆۋارلارىن تولتىراتىن رەسۋرس. ال ساۋىردەگى ولشەم - الداعى ماۋسىمعا قامدانۋ ءۇشىن وتە ماڭىزدى مالىمەت بولىپ سانالادى ەكەن. سيەررا جانە ترينيتي تاۋلارىنداعى قار قالىڭدىعىن باقىلاۋ (زەرتتەۋ، تالداۋ،ەسەپتەۋ) ناتيجەسىندە، وسى ساۋىردە كاليفورنيا شتاتىنىڭ سۋمەن قامتۋ دەڭگەيى C دەڭگەيىنەن، A+ دەڭگەيىنە جەتىلگەن. سۋ جاعدايىن وتكەن ايلارداعى جاۋىن-شاشىن جاقسارتتى ( Miracle March ، عاجايىپ ناۋرىز دەپ اتاپتى سينوپتيكتەر). ءتىپتى، قۇرعاپ جاتاتىن وزەندەر تابانىمەن ءسال دە بولسا، اعىن ءجۇردى. سوعان، جەرگىلىكتى جۇرت ءماز.
سۋ رەسۋرستارىن ەسەپتەۋ جانە بولجاۋ نەگە ماڭىزدى؟ ول اۋىز سۋ تۇتىنىسىن جوسپارلاۋعا عانا ەمەس، اۋىل شارۋاشىلىعىنا، وندىرىسكە جانە تابيعاتقا جۇمسالاتىن ءناردى ەسەپكە الۋ، ءوندىرىس قۋاتىن سوعان سايكەستەندىرۋ ءۇشىن كەرەك!
وسى جەرگە دەيىن وقىساڭىز، جانە ونسىز دا بەلگىلى نارسەنى نەگە تاپتىشتەپ وتىر دەگەن نارازى ويىڭىز بولسا، كەشىرىم. تەك، شەتەلدىك تاجىريبە جايىندا وقىعان دەرەكتى بولىسكەن ءتۇرىم. قازاقستاندا بولعان قارعىن سۋ تاسقىنى، ارينە، اپات. مول سۋ - كۇش. ءارى نەسىبە! كوزى اشىق، ەلىنە، جەرىنە جاناشىر ازاماتتار باسقا ەلدەردىڭ سۋ قادىرىن قالاي اسىرىپ جاتقانىن بىلسە ەكەن دەگەن نيەت.
Saken Qaiyrbergenuly
