بالتاش تۇرسىمباەۆ: “جاڭا قازاقستان” قۇرۋ ءۇشىن «نۇرسۇلتان نازارباەۆ» اتاۋىن جويۋ قاجەت

2413
Adyrna.kz Telegram

ەندەشە، بالتاش اعا، «جاڭا قازاقستان» قۇرۋ ءۇشىن، توقاەۆ مىرزا ءبىرىنشى كەزەكتە نە ىستەۋى كەرەك دەپ ەسەپتەيسىز؟

– ءبىرىنشى كەزەكتە پرەزيدەنت «ادىلەتتى قازاقستان» قۇرۋى كەرەك، جاڭاسى – سودان كەيىن وزدىگىنەن قالىپتاسادى. ەڭ الدىمەن، استانادان نۇرسۇلتاننىڭ اتىن قۇرتۋ كەرەك! استانانىڭ اتاۋى قايتادان «اقمولا» بولا ما، «الاشوردا» بولا ما، جوق الدە باسقا ءبىر اتاۋ قويىلا ما – ايتەۋىر وزگەرىستى وسىدان باستاۋ كەرەك. ودان كەيىن ءاربىر وبلىس ورتالىعىنداعى تاۋەلسىزدىك كوشەلەرىن يەلەنگەن «نۇرسۇلتان نازارباەۆ» اتاۋىن جويۋ قاجەت. مۇنداي قادام حالىققا ۇلكەن سيگنال بەرەدى، پرەزيدەنت توقاەۆتىڭ ساياساتى توڭىرەگىنە توپتاسۋ پروتسەسى جاڭاشا ەكپىن الادى.

سول سياقتى ۇرى نازارباەۆتىڭ اتىنداعى استانالىق اەروپورتتىڭ اتاۋىن وزگەرتۋ كەرەك. ءتىپتى استاناعا ۇشىپ كەلەتىن ەل-جۇرتتان ۇيات: «نۇرسۇلتان نازارباەۆ اتىنداعى حالىقارالىق اۋەجاي» دەپ حابارلانعان كەزدە قاراداي جىنىڭ كەلەدى. ول – حالقىن تاقىرعا وتىرعىزىپ كەتكەن ۇرى عوي!

ۇشىنشىدەن، پارلامەنتتىڭ وسى الداعى كۇزدە باستالاتىن سەسسياسىندا ساياسي پارتيالار جانە سايلاۋ تۋرالى زاڭدارعا وزگەرىس ەنگىزىلىپ، جاڭا دەپۋتاتتار كورپۋسىن جاساقتاۋ كەرەك. ءبىزدىڭ ەلگە 150 دەپۋتاتتان قۇرالعان ءبىر پالاتالى پارلامەنت قاجەت. ۋنيتارلى قازاقستان ءۇشىن سەنات پەن اسسامبلەيانىڭ ءتىپتى دە قاجەتى جوق.

ال جەكەلەگەن ساياساتتانۋشىلار ءالسىن-ءالسىن ايتىپ جۇرگەندەي، مەرزىمىنەن بۇرىن پرەزيدەنتتىك سايلاۋ وتكىزۋ مۇمكىندىكتەرى تۋراسىندا قانداي وي-جورالعى ايتار ەدىڭىز؟

– بىزگە ءبىرىنشى كەزەكتە مەرزىمىنەن بۇرىن وتەتىن پارلامەنتتىك سايلاۋ بولماسا، پرەزيدەنتتىك سايلاۋ زاڭدا بەلگىلەنگەن ۋاقىتىندا ءوتۋى ءتيىس دەپ ويلايمىن. پرەزيدەنت توقاەۆ ەلدەگى وزگەرىستەرگە قاتىستى ءبىراز باستامالاردىڭ يشاراسىن ءبىلدىردى، ەندى سونى باتىل تۇردە جۇرگىزۋدى قولىنا الۋى كەرەك. سوندىقتان «وتكەلدە ات اۋىستىرمايدى» دەگەندەي، مەرزىمىنەن بۇرىن سايلاۋ وتكىزۋ قاتەلىك بولادى. ءبىز توقاەۆتىڭ پرەزيدەنتتىك مۇمكىندىگىن ءالى تولىق پايدالانعان جوقپىز...

دەگەنمەن توقاەۆ مىرزانىڭ ازىرگە ءسوزى كوپ، ءىسى ماردىمسىز بولىپ تۇر عوي. ءسىز بۇگىنگى پرەزيدەنتتىڭ باستامالارىن قولدايسىز با؟

– ءيا، پرەزيدەنتتىڭ ايتىپ جاتقان ۋادەسى كوپ تە، اتقارعان ءىسى قوراش كورىنەتىنى راس. بىراق ەگەر الداعى قىركۇيەك ايىندا پارلامەنتتىڭ كەزەكتى سەسسياسى اشىلعاندا، توقاەۆ باتىل وزگەرىستەردى باستايتىنى جونىندە حالىققا ۇندەۋ جولدايتىن بولسا، مەن ونى قولدايمىن. تەك ول ۇندەۋ كەزەكتى ءسوز بولىپ قالماۋى ءتيىس.
ونىڭ بۇگىنگى ءىس-ارەكەتى ساعىم قۋىپ جۇرگەن ادامعا ۇقسايدى. بىزگە «ميراج» قاجەت ەمەس، قازاقستانعا ناقتى وزگەرىستەر قاجەت. مەنىڭ ويىمشا، ەگەر ول باتىل رەفورمالارعا كىرىسەتىن بولسا، ونىڭ قاڭتارداعى قاندى قاتەلىگىن ءبىراز تۇزەۋدىڭ ءساتى تۇسەدى. ءبىزدىڭ حالىق كەكشىل ەمەس، ول قوعامعا قاراي باتىل اياق باسۋى ءتيىس. ونىڭ ەندىگى جالعىز تىرەگى – حالىق قانا. ازاماتتىق قوعاممەن تىعىز جۇمىس ىستەۋدەن قورىقپاۋ كەرەك.

ءيا، ءبىز دە وسىنى ايتىپ ءجۇرمىز، بالتاش اعا! توقاەۆ مىرزا ءوز حالقىنا ارقا سۇيەپ، ول ءۇشىن سول حالىقتىڭ تالاپ-تىلەگىنە مويىنسۇنار بولسا، ونىڭ ەكىنشى پرەزيدەنتتىك مەرزىمگە ءوتۋ مۇمكىندىگى دە ارتار ەدى...

 سۇحبات “دات” گازەتىنەن الىندى

پىكىرلەر