شىمكەنت قالاسىندا 16 جاسقا دەيىنگىلەر اراسىندا ازيا–تىنىق مۇحيتى ايماعى بويىنشا ءوتىپ جاتقان Juniors Davis Cup الەم چەمپيوناتىنىڭ ىرىكتەۋ تۋرنيرىندە قازاق جاسوسپىرىمدەرى جاڭا زەلانديانى 3:0 ەسەبىمەن ۇتتى. بۇگىن ەل ورەندەرى قىتايلىق تايبەيمەن باسەكەلەسەدى. بۇل تۋرالى تەننيس فەدەراتسياسىنىڭ ءباسپاسوز قىزمەتىنە سىلتەمە جاساي وتىرىپ "ادىرنا" ۇلتتىق پورتالى حابارلايدى.
جاسوسپىرىمدەر كومانداسى D توبىندا باستاپقى كەزدەسۋىندە جاڭا زەلانديا قۇراماسىمەن شەبەرلىك بايقاستىپ، باق سىناستى. الدىمەن زاڭعار نۇرلانۇلى 58 مينۋتتا فين ۋيلماندى تىزە بۇكتىردى – 6:0, 6:1.
ءامىر ومارحانوۆ تا قالىسپاي، كاي ميلبورندى 6:1, 6:2 ەسەبىمەن ۇتتى. سودان كەيىن ءامىر دامير جالعاسبايمەن بىرگە جۇپتىق سىندا قارسىلاستارىن قاپى قالدىردى – 6:3, 6:2.
بۇگىن قازاق سپورتشىلارىنىڭ قىتايلىق تايبەي كومانداسىمەن كورتقا شىعادى حابارلاندى.
"ادىرنا" ۇلتتىق پورتالى