نۇرلان سابىروۆتىڭ «ۆاگنەر» جەكە اسكەري كومپانياسىنا قارجىلاي قولداۋ كورسەتۋى مۇمكىن دەگەن ايىپتار بويىنشا تەكسەرۋ اياقتالدى، دەپ حابارلايدى "ادىرنا" ۇلتتىق پورتالى Exclusive.kz-كە سىلتەپ.
قازاقستان رەسپۋبليكاسى ۇقك بىرنەشە اي بويى تاراعان اقپاراتتار مەن ماتەريالداردى زەردەلەپ، اتالعان دەرەككە قۇقىقتىق باعا بەرگەن. ۆەدومستۆو بۇل كەزەڭدە تەكسەرۋ ءجۇرىپ جاتقانىن عانا راستاپ، قوسىمشا مالىمەت بەرمەگەن.
تەكسەرۋ بارىسىندا قىلمىستىق كودەكستىڭ 170-بابى («جالدامالىلىق») اياسىندا قىلمىستىق قۇقىقبۇزۋشىلىق بەلگىلەرىنىڭ بار-جوعى قاراستىرىلعان. اتالعان باپ شەتەلدەگى قارۋلى قاقتىعىستارعا قاتىسۋشىلارعا قارجىلاي نەمەسە وزگە دە ماتەريالدىق قولداۋ كورسەتۋ جاعدايلارىن دا قامتيدى.
ۇقك سابىروۆتىڭ ارەكەتتەرىندە قۇقىقبۇزۋشىلىق بەلگىلەرى انىقتالماعان جانە قىلمىستىق جاۋاپكەرشىلىككە تارتۋعا نەگىز جوق دەپ تانىدى.
ايتا كەتەيىك، بۇعان دەيىن كوميكتىڭ رەسەيگە كىرۋىنە شەكتەۋ قويىلعانى حابارلانعان ەدى. سونداي-اق الەۋمەتتىك جەلىلەردە ونىڭ «ۆاگنەر» قۇرىلىمىنا قاتىستى تۇلعالارعا موتوتسيكل سىيلاعانى تۋرالى ۆيدەو تاراعان. الايدا بۇل جاعدايعا قاتىستى ول رەسمي تۇسىنىكتەمە بەرمەگەن.
