بيلىكتەگىلەرگە يميدج جاساۋشىلار، تۇسىنسە، پرەزيدەنتتىڭ دە بەدەلىن تومەندەتۋگە ءىس قىلدى. ۇلتتىق قۇرىلتايداعى كەي ۇسىنىستاردى حالىقتىڭ قابىلداۋى قيىن بولدى. ەلتاڭبانى قاسيەت تۇتقان حالىق ابىرجىپ قالدى.
"ناۋرىزدى جاڭاشا اتاپ ءوتۋ" دەگەن ارتىق شارالار ىسكە قوسىلدى. ناۋرىز مەيرامىن لايىقتى اتاپ وتۋگە ءۇش كۇن جاراپ تۇر ەدى. ءبىر اپتا، ون كۇن سەرۋەندەۋ دەگەن نە؟! قىس ورتاسىندا جاۋىن ءجۇرىپ، مۇز قاتىپ، قىس سوڭى، كوكتەم باسىندا توڭ ۇستىنە قالىڭ قار جاۋعاندا قويان جۇتىنىڭ زاردابى الدا ەكەنىن بيلىكتەگىلەر ۇعا المادى، ءتيىستى قام جاسامادى. قىزمەتتەرىنەن كەتىرىپ، ولاردى اۋىستىرۋعا قالىپتاسقان جۇيە جول بەرمەدى.
ەلباسى زامانىنداعى جەكە باسقا تابىنۋدى قويعان ءجون عوي. تاعى دا يميدجمەيكەرلەر پرەزيدەنتتىڭ اۋزىنا "مەنىڭ باستاماممەن" دەگەن سوزدەردى سالادى. بولمايدى عوي ولاي! بولماۋ كەرەك. پرەزيدەنت قوعامداعى شىنايى، حالىقتىڭ جاعدايى جەتكىزىلگەن ۇسىنىستاردى قولدايتىن ادام. تاعايىندالعان وبلىس اكىمدەرى حالىققا قاجەت نىسانداردى سالۋدى جانە جاڭارتۋدى كەيىنگە قالدىرىپ، وبلىس ورتالىقتارىن ءوز تۇسىنىكتەرىمەن كوركەيتۋگە نيەت ءبىلدىردى. اۋىلداردىڭ جاعدايىن جاقسارتۋ ءبىرىنشى كەزەكتە تۇرۋ كەرەك ەدى، وندىرىسپەن قاتار، تۇرعىن ۇيلەردى دە ورتالىقتارعا ۇيمەي، كەڭ سالىپ، جاڭعىرتىپ، قاراجاتتى سوعان جۇمساپ، قالاعا سالىناتىن جىلتىراقتارعا جۇمساماي!
Amantay Isin
